魯振順自爆正籌備婚禮！與41年前同學重逢並譜出黃昏戀：她是阿媽派來陪我
Photo from fb@魯振順Henry的粉絲會
Photo from fb@魯振順Henry的粉絲會
Photo from fb@魯振順Henry的粉絲會
順哥坦言自己早年感情路不順遂，29歲時曾向拍拖7年的女友求婚卻被拒，加上當時他的事業不順遂，在雙重打擊之下一下子想不開而做傻事。後來他終於想通了，對於感情抱著隨緣的態度，但依然期望能夠遇到一個合拍的人，惜緣份一直都未降臨。
Photo from fb@魯振順Henry的粉絲會
Photo from fb@魯振順Henry的粉絲會
後來他獲高人指點改名為「釋禧」後，便重遇41年前因參加歌星選拔賽而認識的女同學，對方比他年小6歲，當年二人一起上堂學選歌、台風等，私下也有參加聚會，但因要兼顧訓練班，以及想打好事業基礎，故甚少參與活動，所以彼此並沒有太多交流。直至女方去年從順哥的訪問中，了解到順哥是個孝順又真心的人，於是便透過梁競徽母親取得其電話號碼，雙方重新聯絡後便擦出愛火。
Photo from fb@魯振順Henry的粉絲會
Photo from fb@魯振順Henry的粉絲會
自稱經常被人傳「基」的順哥對於自己62歲仍遇見愛情，他感性道：「可能是阿媽派她來陪我」，更透露自己第一次食未婚妻包的餃子，覺得同媽媽包的餃子味道一模一樣，有種溫暖的感覺，所以就更加珍惜。
Photo from fb@魯振順Henry的粉絲會
Photo from fb@魯振順Henry的粉絲會
順哥稱曾很羨慕陳榮峻能與吳香倫修成正果，如今自己的感情也有著落，有意在疫情過後搞婚禮並會大排筵席，可能部份人情都會做善事：「要爭番口氣，不要成日說我是『基』！」
Photo from fb@魯振順Henry的粉絲會
順哥曾經說過自己缺乏一個賢內助，如今終於都如願覓愛侶，恭喜順哥！
Text: TopBeauty Editorial
更多相關文章
感謝你的出現不遲也不早！陳榮峻曾因喪妻崩潰，感謝吳香倫救贖了他，黃昏戀故事公開～
28 Jan 2019
愛情無話嚟得愈早就會愈好，佢會喺最合適嘅時間來到你面前，就好似63歲陳榮峻同58歲吳香倫呢對黃昏戀人上年終於拉埋天窗，更成為一時佳話。因為幸福得來並不容易，所以佢地都格外珍惜。
吳香倫出身自演藝世家，爸爸吳殷志係粵語長片影星，妹妹係歌手吳江倫。吳香倫9歲就被發掘參加劇團，後來參加歌唱比賽贏得15歲以下冠軍，11歲嘅佢年紀輕輕就已經喺荔園登台演出。1977年加入大台成為《歡樂今宵》合約歌手，直到2008年喺《溏心風暴之家好月圓》中「復出」拍劇，年近50歲嘅吳香倫由歌手轉型為演員。
而陳榮峻本來係龍虎武師出身，之後做過冷氣技工同埋的士司機，後來參加藝員訓練班入行，80年代已經係大台常用配角，名副其實嘅綠葉王。早年陳榮峻曾經有擔演男主角嘅機會，不過因為拍戲辛苦導致肋骨斷裂，只好放棄。
而早喺1981年，陳榮峻就同首任太太結婚，婚後兩人育有二子一女，不過太太於2010年腦溢血猝逝 ，陳榮峻因此傷心欲絕。陳榮峻同吳香倫兩人入行多年，但一直未能相遇，或者係命運嘅安排，直到太太離世次年，佢地首次合作拍劇，喺《怒火街頭》入面飾演「根叔根嬸」。
直到2014年，陳榮峻終於走出喪妻之痛，二人喺節目中提到過，佢地嘅相處就好似學生嘅puppy love一樣，陳榮峻笑說係吳香倫主動約佢唱K，至於係邊個做主動，兩人無正面回應：「做戲都有做啦，過馬路借頭借路拖手仔，無俾人fing開咪即係接受咗囉。」雖然觀眾得唔到想要嘅答案，但都已經感受到當中嘅溫馨～
唔講唔知原來幸福人妻黃翠如係撮合二人成婚嘅人，翠如曾經喺劇入面做過陳榮峻嘅囡，陳榮峻話：「翠如常叫我快向Helen求婚，我答『我呢啲老嘢求咩婚呀？』她答『你唔求婚鬼嫁你呀？咁你想同佢一世嗰個想你求婚呀嘛。』」
陳榮峻同吳香倫拍拖3年後，2017年尾嘅大台盆菜宴上，陳榮峻當住2千人面前下跪向吳香倫求婚 ，二人於翌年7月喺教堂結婚，之後周不時都會見到報章報導佢地二人手拖手行街嘅樣子，雖然係黃昏戀人但甜蜜度就如初戀。
而陳榮峻嘅囝囝都同吳香倫道謝：「媽媽剛走咗嗰段時間爸爸真係好崩潰，甚至曾經諗過自殺，所以多謝你，多謝你救返佢，呢件事真係衷心多謝你，陪伴佢行下半生。」
Text: TopBeauty Editorial
