《嫁到這世界邊端3》開拍!陳貝兒仍相信愛情,但不考慮異地戀:香港始終是自己的家

《嫁到這世界邊端3》開拍!陳貝兒仍相信愛情,但不考慮異地戀:香港始終是自己的家

Lifestyle Hot Topics
By Aisa on 11 Feb 2019

陳貝兒(Janis)主持嘅節目《嫁到這世界邊端》,第一季同第二季都大受歡迎,陳貝兒就透露將會起行拍攝第三輯,大概於4月出發,遠赴世界邊端採訪嫁到當地嘅香港人妻,相信fans們一定非常期待~而宜家仲係單身嘅陳貝兒就表示,佢首選嘅對象仍然會係香港男仔,暫時唔會考慮異地戀。

Photo from chanjanis@Instagtam

由陳貝兒主持嘅TVB真人騷《嫁到這世界邊端》入面,Janis飛往唔同國家去探訪嫁到當地嘅香港人妻,同佢地傾談當中心路歷程,節目大受觀眾歡迎~

Photo from chanjanis@Instagtam

話咁快又就將要開拍《嫁到這世界邊端》第三季,Janis就話 :「4月出發到訪『更邊端』的地方,不過暫保留神秘感,之後再跟大家分享這次到訪的國家。」

Photo from chanjanis@Instagtam

問到Janis會唔會好似節目入面嘅人妻一樣嫁到外地,佢就話暫時唔會考慮異地戀:「覺得緣份真的很難說,但我的首選會是香港男生,如果可以選擇的話會想留在香港,香港始終是自己的家。

Photo from chanjanis@Instagtam

其實Janis喺2011年嘅時候曾經同商人結婚,可惜2017年離婚,不過佢仍然相信愛情。提到撰偶條件,佢就話:「就是那種感覺,像吃一個甜品一樣,入口之後會有一種甜蜜的感覺,難以用言語去形容,那是一種種幸福、心動的感覺。

Photo from chanjanis@Instagtam

最近Janis就好努力鑽研甜品,原來佢本身就好鐘意食甜品,因為覺得甜品可以比人一種甜蜜同埋幸福嘅感覺,而佢希望可以完成課程,拎到文憑之後就有機會喺法國開餐廳,將溫馨嘅感覺分享比更多人。雖然Janis都好愛香港,但佢想趁有時間可以多見識世界:「世界很大,不同的地方也有不同的人以不同的方式過活,所面對的生活細節其實都有不同的態度,我很欣賞法國人的那種生活態度。

Photo from chanjanis@Instagtam

Text:GirlsLike Editorial

Photo Source:Instagram

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK