下流上車族｜林敏驄被譽為劇中靈魂人物 獻出拍劇處男作被捧做視帝：我受得起！
TVB台慶劇《下流上車族》收視報捷，第二集的七天跨平台總收視達26.2點，成績相當彪悍！對於首次擔正就有如此好成績林敏驄表示意料之外。昨日（28日）林敏驄再次上《開心無敵獎門人》做嘉賓，還與曾志偉互相輸賭收視高，輸的一方要裸跑，令之前豪言收視破30點會幫劇中女演員換泳衣的林敏驄口窒窒應戰。
Photo from 林敏驄 Facebook
Photo from 林敏驄 Facebook
Photo from 林敏驄 Facebook
獻出處男作全因曾志偉碌人情卡
現年63歲的林敏驄入行超過40年，雖然演藝經驗豐富，不過就從未拍過劇集，而劇集處男作就獻給TVB，背後全靠總經理曾志偉碌盡人情卡。林敏驄曾在訪問中透露曾志偉開口邀請他出山的過程：「佢留言畀我『林敏驄，有單嘢你快啲嚟，幫呢個無綫拍劇，有冇興趣？』（盛意拳拳喎，有咩表示呀？）我話我好貴㗎喎，佢話唔緊要，之後佢攞咗幾個紅白藍袋，塞喺我屋企門口，跟住總經理踎埋喺度，門都開唔到呀。總經理話『你一定要演呀，呢個角色』，好多女，原來我個角色真係有兩個女喎。」
Photo from 林敏驄 Facebook
Photo from 林敏驄 Facebook
林敏驄首次拍劇有驚喜
出名轉數快兼無厘頭的林敏驄今次在《上車家族》裡飾演超市經理車志明，因金融海嘯賣樓離場導致多年來未能再上車，而作為劇中的靈魂人物，林敏驄可說是為這部劇貢獻大部分爆笑場口。不過在笑料百出的背後，林敏驄也爆出不少讓人感慨的金句，讓不少觀眾見識到無厘頭始祖居然還有正經八百的一面。
Photo from 林敏驄 Facebook
Photo from 林敏驄 Facebook
Photo from 林敏驄 Facebook
網民推選林敏驄做下屆視帝！
不少網民指劇集越睇越有親切感，直言「有睇返幾十年前劇集感覺」，紛紛在留言大讚：「林敏驄值得攞視帝」、「林敏聰只此一家嘅演技，絕對是劇中嘅靈魂。冇左佢，一定差好遠。」、「林敏聰超級好戲，神級，全部都做到好好，我唔睇電視都追」、「林敏驄演喊戲真係真到」、「林敏聰做得好好， 演技十足， 好耐冇睇過咁入戲」、「林敏驄個哭腔應該好難扮出嚟，超入戲」等⋯⋯更被連登仔吹棒為當選視帝，若然真的問鼎最佳男主角，或會超越夏雨獲最年長視帝！
Photo from 林敏驄 Facebook
Photo from 林敏驄 Facebook
「填詞鬼才」陪伴一代香港人成長
自上世紀80年代入行至今，林敏驄為不少香港著名的歌手包括張國榮、譚詠麟、張學友、陳百強、梅艷芳寫過很多膾炙人口的歌曲，憑獨特的風格成為香港樂壇近代史上重要人物之一。被譽為「填詞鬼才」的他今次亦破天荒為主演的劇集主題曲《一家人》填詞作曲，就連片尾曲《很久以前》以及插曲《想你》同樣由他一手包辦。
Text：TopBeauty Editorial
更多相關文章
林敏驄作客《東張》為《下流上車族》做勢 承諾收視衝破30點鮑姐著泳衣
26 Oct 2022
由林敏驄、江美儀和鮑起靜等人主演的TVB台慶劇《下流上車族》憑貼地幽默的故事劇情廣受好評，劇集首集跨平台直播收視高開23.2點，認真厲害！昨晚（25日）鮑姐、林敏驄和江美儀齊齊上《東張西望》為《下流上車族》做勢，林敏驄更發揮一貫搞笑本色孖朱凱婷為節目開場。
Photo from TVB截圖
Photo from TVB截圖
收視突破30點鮑姐穿泳衣
林敏驄笑稱《東張西望》請到他來擔任主持原因只有一個，因為《下流上車族》收視已經超越《東張西望》，林敏驄續言：「我哋一開波就係23.9，到而家25.9。」為了答謝觀眾的支持，林敏驄揚言只要收視突破30點，江美儀會重著黑絲，鮑姐會著泳衣，而自己就會幫女演員換泳衣。不過林敏驄今日（26日）出席宣傳活動時居然反口：「有40點直情除泳衣啦，仲着。佢哋個個着住畀我除。」
Photo from TVB截圖
劇情貼地寫實道盡市民上車悲歌
鮑姐揚言《下流上車族》會成為社中熱話因和《東張西望》一樣貼地、緊追社會的情況。並且䆁出大量精彩預告，直言會有更多感動和搞笑的片段，勢令觀眾欲罷不能。林敏驄笑言劇集風格本以幽默搞笑，但有鮑姐和美儀等好戲之人，因此決定和她們「大鬥演技」。
Photo from 《下流上車族》劇照
收視成績強勁意料之外
林敏驄謙虛表示，當初接拍這套劇沒有預計會有好成績，配合天時地利人和，才能得到觀眾的欣賞，更感謝網民的稱讚。最後江美儀感謝鮑起靜和林敏驄經常「萬歲」才能維持劇組好感情。
Photo from TVB截圖
Photo from TVB截圖
《下流上車族》好評如潮
劇集播出以來好評如潮，不少網民紛紛大讚《下流上車族》是TVB近期最好睇的一套貼地之作，留言寫道：「真係一套好劇,貼地,好笑,又感動人. 鮑姐用日文讀信果段真係超勁,入心入肺」、「林敏驄同美儀真係做得好好，好有娛樂性，鮑姐Emma婆婆角色做得真係好感動，我睇完都忍唔住喊咗出嚟」、「睇見演員之間的和諧，就是此劇成功的關键。萬眾一心，其利断金。亞聰，江美人，鲍姐，好嘢。」、「我冇煲劇好耐，因為聰哥又睇番，好睇。」
Text：TopBeauty Editorial
