劉鑾雄開記者會與呂麗君劃清界線 首談「春卷乒乓波傳聞」:我谷咗氣好耐!

劉鑾雄開記者會與呂麗君劃清界線 首談「春卷乒乓波傳聞」:我谷咗氣好耐!

Hot Topics
By Agnes on 03 Jan 2023
Senior Editor

「大劉」劉鑾雄早前被拍到在與舊愛呂麗君一同現身皇室堡,由於這是二人情斷八年後首次公開場合上一同露面,引來不少揣測指二人舊情復熾!大劉除了發聲明嚴正表示未與呂麗君復合,透露對方有困難有事相求外,今日大劉再開記者會澄清外,同時更激動回應多個關於他的「都市傳說」,包括春卷、乒乓波傳聞!

「大劉」劉鑾雄指太太甘比陳凱韻為事件不高興Photo from IG:kimbeechan_official

大劉劉鑾雄與甘比陳凱韻及兩人囡囡合照Photo from IG:kimbeechan_official

太太甘比未有為事件不高興

「大劉」劉鑾雄上月尾被拍到與舊愛呂麗君共同現身銅鑼灣皇室堡,消息傳出後引來網民熱議!其後大劉在12月31日發表公開聲明,澄清與呂麗君見面有關交易純屬商業性質!當時有不少網民大讚大劉此舉是對太太甘比陳凱韻派定心丸!而大劉今日就再開記者會詳細澄清失實傳聞,期間被問到甘比有否就此事不高興時,大劉表示「點值得?佢知道發生咩事!」!

劉鑾雄開記者會與呂麗君劃清界線 Photo from IG:yvonneluitrust

諗足2分鐘決定幫舊愛

大劉坦言「阿呂小姐,我唔係考慮到佢對仔女,一個12歲、一個20歲,我決定幫與唔幫,平時我諗嘢0.1秒可以決定到,我都要諗咗足足兩分鐘。唔係數目大細問題,係應該唔應該,就係唔想到時有難堪出現影響到對仔女,希望你哋明我講乜,唔明我都冇辦法,我都係為仔女保留番一啲尊嚴......另外我都要保護自己同陳凱韻(即太太甘比)同三個仔女同其他仔女」!

劉鑾雄指不想有難堪出現影響一對仔女!Photo from IG:yvonneluitrust

「我依家肯去執的話,排隊排到黑龍江」

早年有不少「都市傳說」關於「大劉」劉鑾雄及其女伴,今次大劉就一次過回應這些「都市傳說」!他提到有一位前度結婚三、四年,一年都向他要數個鱷魚皮、鑽石手袋等,暗示畀個手袋大家就可以「有後續」,大劉笑言「男人同女人,有啲人去執人一劑可能益個女人,有啲人執人一劑係益自己,係相對嘅。我諗我依家肯去執,排隊排到黑龍江呀。講笑啫,我依家行路連地下有張銀紙都執唔到呀。」!

劉鑾雄激動回應「春卷、乒乓波傳說」Photo from IG:kimbeechan_official

劉鑾雄「大劉」提到當年與不少女朋友的關係Photo from IG:kimbeechan_official

激動回應「春卷、乒乓波傳說」

提到「大劉」劉鑾雄當年與不少女朋友的關係,不少人都聽過「春卷、乒乓球、高爾夫球」等都市傳說,大劉少有的親自回應傳聞,他坦言「我谷咗氣好耐,最緊要係澄清唔好畀人造謠造非。我好多氣谷谷埋埋,話塞春卷呀、乒乓波、網球呀,點樣鬧人、摑人兩巴、人地喊呀即刻攞張支票掟埋塊面度,我隨身都唔袋支票!」!大劉也表示自己過去有很多女朋友,而娛樂圈的女友只佔1%,但交往過的娛樂圈女友品行是「魔、妖乜都有」!

斥蕭若元老作

「大劉」劉鑾雄更點名指「燈神」蕭若元造謠,他提到「有人話我同陳凱韻結婚,話佢阿媽畀咗個腎我,想去報恩就同陳凱韻結婚。我要換腎都搵個後生啲啦,60歲人仲要搵個老腎去換。」

劉鑾雄親揭The One廣告真相Photo from IG:michele_monique_reis

親揭The One廣告真相

當年盛傳大劉在報章頭版刊登示愛廣告,以「The One」賀舊愛李嘉欣生日一事,大劉就表示「我個人呢就好肯幫人嘅,當有啲人想搵老襯,成個廣告版隊埋嚟,叫我搵啲秘書去登廣告,我都會照幫手嘅......我本人從來都無諗過個字叫「The One」,工作上都私人都無諗過。」當再有人問到蕭若元指他最愛李嘉欣一事,他就提到「我最鍾意最愛邊個佢又知嘅?我自己都未知呀!咁多位,哈,佢話佢知我最我邊個邊個,佢講嚟講去都係作!」

「大劉」劉鑾雄曾斥呂麗君「面皮厚過恐龍皮」Photo from IG:yvonneluitrust

曾斥呂麗君「面皮厚過恐龍皮」

大劉與舊愛呂麗君自2014年分手後,曾公開指責呂麗君「面皮厚過恐龍皮,多年來『呃呃氹氹』總共20幾億元。」同時揚言自己不會問舊愛追回送出的Hermès手袋:「我收番任何一個手袋就絕子絕孫」!

甘比陳凱韻小時候與母親合照Photo from IG:kimbeechan_official

甘比陳凱韻常做慈善Photo from IG:kimbeechan_official

「大劉」劉鑾雄視甘比為最後一個女人Photo from IG:kimbeechan_official

視甘比為最後一個女人

大劉與甘比陳凱韻2016年結婚,大劉公開表示「甘比是我最後一個女人」!大劉為何會情傾甘比?大劉曾表示「我認識甘比十幾年,她從來都不是物質主義的人,亦沒有要求過我買任何禮物或者零用錢。」其後大劉身體多病時,甘比都一直在身邊盡心盡力、不離不棄地照顧丈夫,令大劉深受感動,他更曾提到「現在就算有100個靚女在我面前,我都無動於衷」!

Text:TopBeauty Editorial

更多相關文章

豪遊咖啡|陳豪、陳茵媺因咖啡結緣!Aimee確診日日收老公愛心餐 窩心舉動閃爆網民

01 Jan 2023

陳豪袁偉豪主持的TVB節目《豪遊咖啡》昨日(12月31日)播出最後一集,陳豪太太陳茵媺(Aimee)壓軸登場,不但分享相識經過、如何被陳豪追到手、更大方分享他們在家中的趣事,以及Aimee早前確診,隔離時日日收到陳豪愛心餐。

由陳豪、袁偉豪主持的TVB節目《豪遊咖啡》昨日(12月31日)播出最後一集,陳茵媺壓軸登場。Photo from ig@aimeechan_official

因咖啡結緣

節目中,陳豪與Aimee相約於西貢一間咖啡小店撐枱腳,他們甫現身就已經甜蜜拖實手仔,陳豪更「Baby」前「Baby」後稱呼愛妻,簡直是「戴住超都閃到盲」!席間,二人公開相識經過,原來同咖啡有關!Aimee憶述,她當年拍戲時,一定要飲咖啡才能記到稿,因此經常會拎住咖啡四圍走,結果屢被幕後同事指與陳豪性格相似,從而令她開始留意陳豪。Aimee冧笑望向老公續道:「有次服裝姐姐叫我搵你沖杯咖啡飲,然後唔夠一秒你就入咗服裝間,跟住我問你攞咖啡,你就即刻出去整。」

陳豪與陳茵媺甫現身就已經甜蜜拖實手仔。Photo from 影片截圖

陳茵媺冧笑望向老公:「我問你攞咖啡,你就即刻出去整。」Photo from 影片截圖

自爆曾為咖啡機講數

除了暢談雙方的歎咖啡習慣,Aimee還大爆陳豪有儲咖啡機癮,擺滿廚房和天台之餘,兩人更曾為廚房「劃位」講數。Aimee亦透露,大仔Aiden和囡囡Camilla均深得爸爸遺傳,對咖啡有濃厚興趣,還分享了Camilla偷飲咖啡的萌爆趣事。

陳茵媺自爆曾為咖啡機同陳豪講數。Photo from 影片截圖

節目最後,陳豪即場教太太炮製虹吸咖啡,Aimee則甜笑謂:「呢個係我10年以來第二杯沖嘅咖啡。」老公愛錫之情,盡在不言中!

陳豪即場教太太炮製虹吸咖啡。Photo from 影片截圖

陳豪與Aimee因合作拍攝《心戰》結緣,不過他們當時並沒有太多對手戲,但令兩人結緣的就是一杯咖啡,Aimee曾提到她要拍通宵戲份時,陳豪的咖啡就如雪中送炭一樣;而陳豪亦曾透露,認識Aimee時正經歷一些事情而未有心情談戀愛,後來慢慢認識對方,變熟後才互相有好感,直到拍完套劇才正式開始拍拖。

一杯咖啡令陳豪與陳茵媺結緣。Photo from 影片截圖

陳茵媺確診日日收陳豪愛心餐

陳豪是圈中出名的「愛妻號」,與Aimee結婚多年恩愛如昔。陳豪除了送Hermès手袋從不手軟之外,早前Aimee不幸確診要自我隔離,令陳豪非常擔心,便化身「外賣仔」每日三餐都親自送上愛心飯盒及飲品,在門口放下外賣後,便站在遠處與Aimee揮手,令太太每日都甜在心頭!

陳豪同陳茵媺結婚多年恩愛如昔。Photo from ig@aimeechan_official

陳豪在接受訪問時透露,太太Aimee不時見暈,擔心她獨自在外居住暈倒無人知,所以才會不時打電話給她才放心,果然愛妻愛到濃~

陳茵媺確診日日收陳豪愛心餐。Photo from 影片截圖

陳豪就似乎來來去去都是着那一、兩套衫。Photo from 影片截圖

最多都係戴多頂帽。Photo from 影片截圖

陳豪站在遠遠的望著老婆。Photo from 影片截圖

Aimee近日才將陳豪送餐的影片post上社交平台,有網民發現片中雖然見到Aimee開門、閂門好多次,但陳豪就似乎來來去去都是着那一、兩套衫,最多都係戴多頂帽,有網民搞笑指可能陳豪擔心黐病毒上衣物,所以每次送餐都是同一套「制服」,免得件件衫都有菌。

Text: TopBeauty Editorial

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK