「好上司比好公司重要！」職場上該懂的12句生存真理～扮傻可保命、不聰明無罪但不小心會完蛋！

＃1 面對職場霸凌，以靜制暴

職場上無「誰大誰惡誰正確」呢回事（除咗你老細），所以面對同事對你動怒，如果你並無做錯，先唔好急住息事寧人，不問原因安撫對方只會令你自己成為出氣袋。但如果你不甘示弱，霸氣頂撞對方，就會變成撕破臉關係正式決裂。最好嘅做法，就係不痛不癢話畀對方知：「等你冷靜，我哋先再傾。」顯出你臨危不亂嘅大師風範，總好過大呼小叫。

#2 你可以唔聰明，但唔可以唔小心

唔聰明嘅人，最多蠢啲，辦事能力弱啲、需時耐啲，以上都唔係不能原諒嘅罪過。但唔小心就會隨時觸犯到他人利益，犯下得罪同事、老細嘅職場大忌。記得小心自己言辭，少議論同事長短，可以賣口乖時就唔好講人哋壞話吧～

#3 好上司比好公司重要

老細係公司嘅掌舵人，一個好好老細，唔會忌材，會將佢嘅智慧傳授畀下屬，令你進步，好比讀書時期嘅良師一樣。「千里馬常有，而伯樂不常有」，遇到好伯樂，那怕公司入面嘅同事有幾難頂都好，記得好好把握機會～

#4 強逼自己做討厭嘅事，都算係一種成熟

有得揀，係人都想做老闆。每個人都會經驗「無得你揀」嘅階段，因為年資比你高、能力比你好嘅人大有人在。因此，有人明明能力普通，卻深受上司重用嘅人，係因為佢明白「即使工作討厭，我都需要認真完成。」唯有透過做討厭嘅事，慢慢走到「有得揀」嘅階段。

#5 偶爾對老闆交心係必要，但要有的放矢

促膝暢談係一種手段，而唔係你想講咩就講咩。偶爾跟老闆交心，講一啲無關痛癢嘅「細心說話」，會令老細覺得你為人貼心。而事實上，無一個老細會對你真正交心。所以你切忌熱淚盈眶，將真心都交付於人。到最後被出賣嘅，永遠係交心?個。

#6 任何時候，扮傻總係最唔易犯錯

當有人要你表態支持邊一面嘅時候，如果你明知揀邊一面都係死路一條，「扮傻」會係你最好嘅選擇。唔需要擔心扮傻時間你個樣會出賣你，或者顯得你好笨拙，即使全世界都睇得出你扮傻，但依然無你符～真正笨拙嘅，係?啲願意明確表態嘅人，成為犧牲品嘅最佳人選。

#7  一定要有靠山，但比靠山仲可靠，就係令自己存在有價值

跟老細搞好關係是常識吧～雖然老細可以成為你嘅靠山，但比搵到靠山更重要嘅，就係令到自己喺公司有存在價值，最強勁嘅境界就係做到令每個老細都想拉攏你。

#8 你係老細嘅人，但老細就唔一定係你嘅人

當老細同你講「你係我嘅人！」你心入面一定要清楚「我係老細嘅人，但老細唔係我嘅人。」—你係佢，而佢係佢自己。當出現問題時，事件跟老細有利益衝突時，佢可能會毫不猶豫出賣你。所以請你記住，你係你自己，只有你可以對自己負責。

#9 你同公司之間無存在愛情，無話邊個欠咗邊個

或者因為工作咗一段時間，對公司、同事產生感情，但當你要落決定時，記得要撇開感性。工作有合約，公司負責出糧、你負責交出亮眼成績，無話邊個欠咗邊個。

#10 做好人好蠢，但蠢人依然好有多

職場上，好人唔一定有好報。踏入社會工作，就切忌太善良，「天真又善良，無半點警覺性」只會令你跌入萬劫不復之地。

#11 有能力，才有敵人

「不招人忌是庸材」，有人討厭你，某程度上係證明自己有實力、有威脅力，不失為一種福氣。

#12 下半生有好多知己，都係嚟自工作緣份

讀書時間都搵到良師益友，工作階段都有機會遇上並肩作戰嘅交心好友。離開公司去到一個新嘅工作環境，你可以帶走嘅除咗係經濟、成就，其次就係人際上嘅感情。江湖話大唔大，總有一日你哋會再相遇，他日再一同並肩作戰吧。

Text：TopBeauty Editorial

Photo source：Pinterest