汪小菲護妻獲網民大讚！大S遭狠酸顏值被唐嫣輾壓，霸氣護妻：「笑的都是發自內心的美」

女人最幸福嘅當然就係搵到一個愛自己又會保護自己嘅男人～而台灣藝人大S（徐熙媛）就做到啦，近日佢同大陸藝人唐嫣出席品牌活動嘅時候，因為兩人著咗相同色系嘅衫而被網民拎泥比較，仲表示：「大S的顏值被唐嫣輾壓！」令到一向都好錫老婆嘅汪小菲即刻忍唔住喺微博到發文鬧呢啲話大S嘅人！

近日，大S同剛新婚無耐嘅唐嫣出席相同活動嘅時候，咁啱都著上粉藍色嘅洋裝，因此而被網民拎嚟比較～大S身為兩個小朋友嘅媽媽母親，體型難免會比較豐腴、臉上有啲水腫，何況唐嫣宜家先34歲、大S已經43歲，但就慘被網友狠酸話：「顏值被唐嫣輾壓」其實人同人又點可以咁樣比較呢？

大S被網民惡意攻擊後，本人無回應，相反係一向護妻心切嘅汪小菲就連發兩條微博為妻子發聲～汪小菲就喺微博post咗4張大S嘅相，回嗆網民話：「一個兩個孩子媽媽，頭髮非常濃密，皮膚吹彈可破，人開心，照顧孩子，甚麼碾壓不碾壓。童真的笑和對老公孩子的愛讓她變得特別慈愛，笑的都是發自內心的美」

其實汪小菲護妻深切就大家都知，佢已經唔係第一次霸氣護妻，之前大S同汪小菲一齊上節目《幸福三重奏》，大S喺節目入面提到「剝蝦論」：「吃蝦一定是要男人幫你剝」引起網民熱議～但一向直爽嘅汪小菲就喺微博反問：「她老公願意幫她剝蝦怎麼了？生了倆健康的寶貝，走了一趟鬼門關還不能讓老公剝蝦啦？」

網民們都覺得大S嫁啱人，一個女人最幸福莫過於網上受盡惡評，番到屋企之仍然有一個人保護你、為你出頭～希望大S可以一直咁幸福落去啦！

Photo from Weibo

Text：Girls Editorial

Photo Source：Weibo