「我一生都不會讓人傷害她!」古天樂唯一承認的戀情,不忘陪他走過低潮的前女友黃紀盈~

「我一生都不會讓人傷害她!」古天樂唯一承認的戀情,不忘陪他走過低潮的前女友黃紀盈~

Hot Topics
By Aisa on 07 Dec 2018

談到香港仍然單身嘅型男級筍盤,一定要提古天樂~入行多年,佢喺娛樂圈接觸過嘅美女無數,但一直單身,甚至一度傳出佢係同性戀,不過佢其實唔係完全無拍過拖,古天樂曾經同黃紀瑩拍拖7年,佢亦係唯一被古仔公開承認嘅女友~宜家42歲,當年奪得最上鏡小姐嘅佢,咁多年來樣貌無咩點變,古天樂亦對佢一往情深,到宜家分開多年,都仍然承諾一世都唔會比人傷害佢~

Photo from kootinlok_louis@Instagram

古天樂同黃紀瑩係喺1994年合演處境劇《餐餐有宋家》嘅時候擦出愛火,之後開始拍拖,黃紀瑩所本身參與嘅劇集都唔少,但喺 愛情同事業之間,佢選擇咗愛情,之後漸漸淡出銀幕,做古天樂背後嘅女人。二人雖然拍拖7年,但最後都係分手收場,據講分開唔係因為有第三者,而係二人思想步伐有落差。

Photo from Weibo

當年佢地拍拖,古天樂被曝曾經有過案底,令到佢嘅事業一下子大受打擊,但黃紀瑩都無離棄過呢段關係,一直喺古仔身邊支持佢,分手之後古天樂話過:「我好重情義,誰在我患難時,幫過我一把,我一定會記一輩子,黃紀瑩在我最失信心的時候,給我安慰與幫助,我一生都不會讓人傷害她。」雖然已經分開,但曾經愛過自己嘅人都仍然以朋友身份守護自己,實在係一件令人感動嘅事~

Photo from kootinlok_louis@Instagram

咁多年來,同古仔傳過緋聞嘅人唔少,有陳喬恩、陳妍希、鄭秀文、楊千嬅、楊恭如、李澤階等,不過眾多緋聞之中,佢一個都無承認過,每次被問及感情事,佢都係話:「我不回答愛情問題。」

Photo from kootinlok_louis@Instagram

分手之後,古仔繼續努力為事業打拼,曾經有傳古仔分手後仍然有比黃紀瑩生活費,不過佢並無承認過,而古仔近年都有被傳媒問到仲有無同女方聯絡,而佢依然都係回答:「不回應」。同樣地,對於呢段戀情,黃紀瑩都無講過古仔一句壞話,難怪古天樂說過她是一位好女仔,相信兩位都係唔想再舊事重提,尊重呢段感情,亦唔想打擾到對方嘅生活

Photo from Weibo

而黃紀瑩都再次復出拍劇,但因為年齡所限一直未得到發揮機會,佢喺2011年拍完《On Call 36小時》之後就離開TVB,投身美容業工作,近年來喺娛樂圈絕跡~佢宜家已經42歲,但望落依然年輕,五官都無點走樣,希望佢同古仔都可以搵到自己嘅歸屬啦!

Photo from Weibo

Text:GirlsLike Editorial

Photo Source:

 

 

 

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK