結婚29周年紀念日變得星光熠熠！三哥三嫂人緣極好號召力強，群星好友齊到賀～

愛妻號苗僑偉（三哥）跟戚美珍（三嫂）相愛多年，喺人前人後都係羨煞旁人嘅一對，1月份正值係三嫂57歲生日，又加上1月9號係佢地結婚29周年紀念日，三哥大搞新意思！幫老婆舉辦生日派對之餘，仲邀請圈中五湖四海好友一同慶祝，當晚真係星光熠熠啊～黃日華、盧海鵬、譚詠麟、古天樂、佘詩曼、林峯、吳卓羲等等都有在場祝賀，更有唔少己經一早離開幕前工作嘅熟悉面孔！三哥號召力咁強，果然兩公婆人緣都極好啊！

Photo from from Sina

派對上有好多「甜蜜時刻」～三哥三嫂兩人加埋雖然年過一百，但仲係恩愛至極，咀對咀親吻令全場氣氛高漲！

三嫂都送咗個小驚喜畀三哥，就係同校長譚詠麟一齊合唱《一生中最愛》獻畀老公，三嫂仲好精靈咁整咗心心手勢，十足十如沐春風嘅少女一樣～即使三哥飲到有少少醉樣，都掩蓋唔到佢冧爆樣子～

唱歌環節又點會得一個咁少呢～剛剛拎咗「叱咤我最喜愛的男歌手」嘅古天樂，成為歌影視大滿貫藝人！古仔雖然一向行低調路線，好少喺公眾場合獻唱，但都畀足面三哥三嫂～於譚校長領唱下，大開金口獻唱《情憑誰來定錯對》，全場呼叫聲不斷！

已經離開TVB一排嘅林峯，真係好耐無聽佢唱TVB劇集嘅主題曲喇～歌喉一向都唔錯嘅佢今次同大家齊齊合唱譚校長金曲《也曾相識》，祝賀三哥三嫂結婚紀念～

呢張相絕對係一大亮點啊！三哥、林峯同佘詩曼同框合照，一定勾起TVB劇迷嘅追劇回憶—《使徒行者》飾演卓sir、爆seed同釘姐嘅經典組合終再現喇！！！

Photo from from TVB

佘詩曼一向都係凍齡美魔女，但林峯似乎都唔弱，有愛情滋潤果然係唔同啲（笑）

Photo from from Weibo

文頌嫻已經淡出幕前，現時主力相夫教女，當晚佢都有現身呢！從相中可見，文頌嫻皮膚仲係緊緻有光澤，一啲都無被佘詩曼比下去，厲害厲害～

Photo from from Weibo

Text：GirlsLike Editorial

Photo source：Weibo