太善良也是一種蠢～心腸軟女生要懂得4句話，保護自己同時減少憂慮！

「只想追趕生命裏，一分一秒，原來多麼可笑...」生活喺香港，打從一出世起，已經慢慢要學何謂競爭。但人生在世，想要活得快樂，其實就係學會「不要強求」。千奇唔好認為世界上有嘢係非要不可，當你愈想追求一樣嘢，又或者害怕失去某啲嘢；你就會變得患得患失。降低自己嘅慾望同期待，你會發現心態上多了一份恬靜，而恐懼、憤怒就會慢慢消失。

Photo from IG@chenchiyiu

#1 學會跟自己講「我不需要」

如果你檢查一下恐懼和憤怒，你會發現佢哋係源自慾望。你會為某啲事生氣，係因為你並無得到預期嘅結果，或係你要去做嘅事，但被阻礙了，換句話講，慾望追求受到阻礙。當你想得到某樣嘢，或係怕失去某樣嘢，你會有患得患失嘅感覺。

Photo from choisaaaa @ ig

#2 不需要每個人都喜歡我

有個演員曾經比喻，話如果佢去參加試鏡無分配到角色時，佢會同自己講：「他們要找的是蘋果，而我是梨子。」換句話講，佢並唔係一個難食或者壞掉嘅蘋果，而係一個好梨子，只不過佢哋當時要嘅係蘋果姐。

Photo from wongtsuiyu @ ig

＃3 「擔憂」—大部分時間都是多餘

好多人經常有一種錯覺，以為擔心就係關心，就能有助解決問題。例如，考完試後，擔心成績不如理想，怕會唔合格、又或者工作表現唔好，擔心會比老闆炒魷魚等。其實只要我哋誠實咁審視憂慮，或者你會發現，如果只有擔心，無配合實際行動解決問題，擔心只會變得一種不必要嘅心態，最後搞到自己心神不寧。

Photo from charmaine_sheh @ ig

＃4 學會跟自己講「唔緊要，一切都會過去」

「It will all pass.（一切都會過去）」經常將依句話掛喺嘴邊，或送比需要安慰鼓勵嘅人吧！回頭望望人生，有啲事，當你以為完蛋啦，偏偏後來都係完成到；你以為唔再愛啦，後來又再相戀；你話自己捱唔到，幾年後你依然安然無恙～凡事唔好睇得太重，笑笑咁過去就好啦！

Text: TopBeauty Editorial

Photo source: Instagram