多慌也不衝動行事～「深思熟慮型」的5個星座—金牛善於靜觀其變、處女座有完美潔癖！
你身邊有「直覺型」行先嘅朋友嗎？認識有啲女仔，喜歡憑感覺做決定，「感覺最緊要」係佢哋掛喺口唇邊嘅口頭蟬，但就不時會喺行動過後而後悔。有啲人睇落去經常猶豫不決，但就係「三思而後行」思考全面周到嘅計劃高手，雖然講唔上係當機立斷，但就會獲得最後嘅成功。5個「深思熟慮型」星座，你有上榜嗎？
＃1 金牛座
金件座除咗有牛一般嘅固執脾氣外，另外仲係一個眼光放得好遠大嘅嘅投資者，佢哋唔會輕易放棄任何一個小細節，並希望靜觀其變等待最好機會嘅來臨。即使情況令人焦躁不安，金牛座仍然有一個以不變應萬變嘅耐性，時機一對，佢哋就會作最好嘅決定。
Photo from roxannetong @ ig
＃2 山羊座
普遍山羊座都係平日唔聲唔聲，但當有要事發表言論時，絕對可以語出驚人～山羊座予人感覺木獨又沉悶，其實內心卻有著無比智慧，年輕時就已經會思考中年人生規劃，思考得比一般人更周全。佢哋會明白如果要達到某個目標，必須花點力氣同耐性，設立好多個小目標，一步一步去達成大目標。無論係感情、工作、人際關係，佢哋基礎都係「長期經營」，絕對唔會以一步登天為目標。
Photo from paisleyhu @ ig
＃3 獅子座
自尊心極強嘅獅子座，其實喺某啲時候都會聆聽別人意見。但獅子座一旦有目標時，就會從多個途徑得到其他人嘅意見同智慧，因此佢哋好少倉促落決定，反而係多花時間研究事情嘅多面，更相信過程中佢哋會獲益良多。所以唔好再誤會獅子座係衝動，又無腦嘅自大狂喇～
Photo from wong_manman @ig
＃4 處女座
熟悉處女座嘅人，唔難發現佢哋蠻相信「因果關係」同「蝴蝶效應」—每個決定都會對後來嘅事有所影響。於呢個前題下，處女座就難以只著眼於一件微小事，反而係用心去掌握全個局勢。佢哋唔會只睇住事情嘅片面就莽下決定，有完美潔癖嘅處女座希望事情會做到一百分。
Photo from missjni @ ig
＃5 水瓶座
水瓶座希望自己每個決定會都為其他人帶來好處～所以佢哋一定會深入研究事情嘅影響力、效果先會做決定～因為有太多因素要考慮，所以佢哋會優柔寡斷落唔到決定，直至考慮到最後一刻！
Text：TopBeauty Editorial
Photo source：Instagram
