一個IG post價值$21萬港元！揮低姐姐Gigi Hadid，22歲美國名模Bella Hadid登「IG富豪榜」冠軍！

Instagram一直係唔少名人、KOL同時尚達人嘅愛用嘅社交平台，部分人嘅主要收入來源亦靠IG貼子賺取，佢地只需要㩒一下發佈鍵就可以賺到錢，一個IG貼可達$33,000美元，係常人幾個月甚至一年以上嘅人工，收入非常可觀！

最近社交媒體調度工具Hopper 總部製作了一個「IG富豪排行榜 Instagram Rich List 2018」，當中揭露咗收最高嘅名人係邊位外，仲有佢地每個OG post嘅收費，而22歲美國名模Bella Hadid則登上第一位，揮低第一網紅Chiara Ferragni，佢一個IG貼價值$27,000美元（約$21萬港元）！

1996年出世嘅Bella Hadid與同為超模嘅姐姐Gigi Hadid，都係出身富豪家庭，有一個名模媽媽Yolanda Hadid及富豪爸爸Mohamed Hadid，上年以超性感高衩Deep V火紅晚裝踏上康城電影節紅地氈，而成為全球焦點！

Bella嘅IG帳戶坐擁2180萬粉絲，憑住走秀同代言各大品牌令自己身家漲至9,388萬港元，一副火辣身材加上高級厭世臉令佢經常成為焦點，只憑3年時間便超越超模姐姐Gigi Hadid，更擠進「全球十大收入最高模特兒」！

Bella雖然出身超模家庭，但佢自3歲就開始接觸馬術，有一個馬術奧運夢，曾打算參加2016年倫敦奧運會，但因長期受萊姆病（Lyme Disease）困擾而被迫放棄夢想，最後先轉行做模特兒～

Bella雖然著招牌黑面望落好冷酷，但其實佢私底下好愛同人接觸，更透露自己唔係好識喺鏡頭面前笑，直到近年先真正了解自己的臉～

工作方面Bella非常勤力，佢曾透露自己2個月只放咗3日假，又要飛來飛去受訪出席活動，短短2個月便登上5個雜誌封面，肯博肯做先令佢擁有咁大嘅名氣，證明自己絕對唔係靠屋企！

Text：GirlsLike Editorial

Photo source：Instagram, Pinterest