一代女神李麗珍曾為愛變瘋狂至抑鬱，洗盡鉛華承認愛錯：我失去愛情，但仍能走出黑暗。

李麗珍日前同一班圈中好友慶祝生日，關禮傑、吳家麗、張文慈，後輩吳業坤同陳國峰等等都有到場祝賀～珍妹於生日派對上大開金口獻唱，跟國峰合唱當年有份主演嘅《開心鬼》插曲《戀愛預告》。珍妹今年已經53歲，「學生女神」美譽當然不復再，但仍然保養得宜。感情路上歷盡波折，仍然未能覓得同偕白首嘅真命天子，如今洗盡鉛華後，勇敢承認以往愛錯，同時多謝好友對佢不離不棄令佢走出陰霾，即使失去愛情，珍妹仍感恩地形容自己「我並唔孤單。」

Photo from __leelaichun ＠ ig

今年53歲李麗珍年紀輕輕17歲已經加入娛樂圈，一開始走清純路線，拍攝一系列青春片，更被譽為係「學生情人」，但無奈清純路線並無令佢大紅大紫。

Photo from from Sina

Photo from from Sina

屋企並唔富有，李麗珍為咗負擔細佬妹學費，作為家庭之柱嘅佢開始「求脫出位」—接拍三級片。清秀面孔、大膽演出，姣好身材成為女士假想敵、男士夢中情人。

Photo from from Sina

愛情路上，有勇氣愛得瘋狂，但並無令佢有幸運覓到真愛。李麗珍跟許愿嘅婚姻只維持4年、跟潘源良4次拍拖又4次分手，到2016年兩人拍拖9年最終都係分手收場，經濟情傷嘅李麗珍一度變得低調。

Photo from from SIna

走過迷失嘅日子，近年佢開始重拾自我，積極跟陳國峰學健身，揚言要練出馬甲線。

Photo from __leelaichun ＠ ig

李麗珍自言已經有好多年無特意慶祝生日，今年嘅生日派對上，佢感觸地喺ig上貼出：「前過著一塌糊塗嘅感情生活，使得自己抑鬱了很久，一直都不願意去面對大眾，把自己封閉著。多得一班朋友對我的用心，沒有放棄及離開我，令我終於都開竅。明白到—日子都總要過。失去了愛情，但原來身邊還有一班支持我的人，終於明瞭自己並不孤單。」

Photo from __leelaichun ＠ ich

Photo from __leelaichun ＠ ig

Photo from __leelaichun ＠ ig

Photo from __leelaichun ＠ ig

希望李麗珍在經歷抑鬱之苦後，重拾自己嘅人生，快樂幸福地過生活！

Text：GirlsLike Editorial

Photo source：Instagram, Sina