《跳躍生命線》演恩愛老夫妻經歷生命無常！陳榮峻目睹愛妻離世，哭別吳香倫超感人～

63歲嘅TVB「綠葉王」陳榮峻今年就迎娶咗58歲嘅吳香倫，呢對黃昏戀人真摯嘅感情成為一時嘅全城佳話。而近日熱播嘅台慶劇《跳躍生命線》入面，佢地呢對夫妻檔就飾演一對銀髮戀人，劇中經歷生離死別，陳榮峻飾演嘅明叔目睹愛妻離世一幕，更整喊唔少觀眾～！

Photo from 《跳躍生命線》

TVB台慶劇《跳躍生命線》尋日播出第八集，講述何廣沛飾演嘅新紮救護員家傑首次出勤，遇上由陳榮峻與吳香倫飾演嘅一對銀髮戀人明叔同明嬸。

Photo from 《跳躍生命線》

劇中講述明叔比明嬸大十幾年，兩人結婚35年，依然好恩愛，原本明叔患有心絞痛，仲曾經講笑話自己個心可能「擺唔耐」。

Photo from 《跳躍生命線》

不過，命運弄人，當晚救援隊接報去到明叔屋企，發現倒下昏迷不醒嘅竟然係本時睇落健康嘅明嬸，需即時送院。

Photo from 《跳躍生命線》

明叔深知明嬸命不久矣，希望可以陪伴明嬸走最後一程，於是就一拐一拐咁拖住無力嘅腳跟出去，仲唔小心跌倒，家傑見到咁就決定揹住明叔同行，等明叔可以一齊跟隨去醫院～

Photo from 《跳躍生命線》

送院期間，明叔向明嬸道別：「老婆，不用怕，前面的路再黑，我都會牽着你，不會走開，我會跟你行到最後。」兩人最終陰陽相隔。

Photo from 《跳躍生命線》

呢場戲令唔少觀眾都非常感動，看似健康嘅明嬸竟然會比長期病患嘅明叔早死，真係世事難料，加上陳榮峻深情嘅演出更令觀眾留下深刻印象～而現實中，陳榮峻嘅前妻都係因病突然去世，相信亦因為咁令佢更投入。唔知大家又鐘唔鐘意呢一場戲呢？

Photo from 《跳躍生命線》

Text：Girlslike Editorial

Photo Source：《跳躍生命線》