苗僑偉與戚美珍結婚29年零緋聞！三哥：男人簽婚書時就已承諾照顧老婆一生一世

Hot Topics

By Aisa on 11 Jan 2019

一個追逐夢想的女生，深信未來是屬於相信心中美夢的人。

愛妻號苗僑偉今個月5號，就為太太戚美珍嘅57歲生日辦慶祝派對，三哥仲吻賀三嫂，親密程度一啲都唔會輸比熱戀中嘅情人～兩人結婚已經29年，但依然好恩愛，確實令人羨慕。

Photo from 苗僑偉@Weibo

苗僑偉同戚美珍喺1990年結婚，婚後育有一子一女，三哥仲成日喺社交媒體上放閃，可見二人感情非常好。相信大家都會好好奇，佢地兩夫妻到底有咩恩愛秘訣，三哥就話同老婆嘅相處之道在於：「退一步海闊天空。」

Photo from 苗僑偉@Weibo

三哥三嫂喺1981年因為合作拍攝TVB劇集《飛越十八層》而擦出愛火，拍拖8年後結婚，至今依然係圈中嘅模範夫婦。1989年，三哥曾經淡出娛樂圈，轉為經營眼鏡生意，最輝煌時期公司達50多家分店，而成功背後係靠住太太戚美珍一路支持～

Photo from 苗僑偉@Weibo

後來，三哥又因為戲癮發作，喺2004年復出拍劇，先後參演TVB劇集《學警雄心》、《賭場風雲》、《雷霆掃毒》等，正面嘅形象，以及充滿男人味嘅外表，令佢大受歡迎。

Photo from 苗僑偉@Weibo

即使宜家已經60歲，但三哥依然魅力不減，值得欣賞嘅係佢喺娛樂圈打滾多年，雖然隨時可以接觸到各種美女，但一直都係緋聞絕緣體，佢亦曾經話過自己唔會自取麻煩，難怪三嫂對丈夫如此信任。

Photo from 苗僑偉@Weibo

三哥曾經喺接受訪問嘅時候提到，自己同三嫂拍拖到結婚初期都成日會嘈交，三哥仲用「刁蠻小姐」去形容脾氣大嘅三嫂，但亦因為咁反而令三哥決心要收服戚美珍～面對三嫂年輕時嘅野蠻，苗僑偉永遠都記住要「退一步海闊天空」，因為太太脾氣來得快但都去得易，所以只要自己肯放下身段，唔同佢硬踫硬，太太好快就會消氣～

Photo from 苗僑偉@Weibo

三哥話：「作為男人，簽婚書時就承諾了要照顧老婆一生一世，這個是一個責任。夫妻相處要互相忍讓，忍過了一下就沒有事，離婚兩個字不可以隨便講出口。」呢句完全點醒所有人，所謂婚姻唔係隨口講講就算，係要用實際行動同耐性去經營。記得三哥好友譚詠麟，早年曾經講笑咁話三嫂發福，仲幫佢取花名做「何文田肥珍」，三哥即刻為妻子護航：「我不喜歡太瘦的女人，肥一點好。我經常稱讚她有福氣。」