《沒想到吧》直擊王祖藍放工趕返香港，陪老婆生B的過程！一路歸心似箭：希望快點可以看到她

By Aisa on 14 Jan 2019

一個追逐夢想的女生，深信未來是屬於相信心中美夢的人。

王祖藍同李亞男嘅囡囡Gabrielle上個月就順利出世，直到近日B女個樣終於曝光～之前一直有傳Gabrielle個樣生得似爸爸祖藍，令唔少觀眾都好好奇，直到李亞藍曬出BB靚相，睇真啲其實Gabrielle似爸爸都似媽媽，而且好多網民都大讚B女生得精緻㖭！

Photo from therivergirl@Instagram

而前晚播出嘅大陸綜藝節目《沒想到吧》，就直擊祖藍錄影後，趕返香港陪老婆生B嘅經過。仲記得幾個月前，祖藍兩夫婦已經講好要一齊見證B女誕生，節目當日祖藍收工之後，就急急腳入房換衫，隨即上車去機場，喺車上面佢一路計住幾點會返到香港，要先趕返屋企沖個涼，再趕去醫院陪老婆。

Photo from 《沒想到吧》

祖藍：「這幾天可能都在醫院裏面睡，因為她起碼要待幾天，白天又工作，不能見到她，所以只有晚上，可能到醫院裏面陪她就好，因為如果我回家睡，她就一個人在醫院裏面。」睇嚟祖藍都理解到孕婦生產嘅辛苦，亦唔忍心比老婆自己一個喺醫院度過，呢一種體貼真係唔係人人做到。

Photo from 《沒想到吧》

祖藍歸心似箭，即使已經上咗飛機都仲話：「希望快點去呀，快點可以看到她。」

Photo from 《沒想到吧》

落機後，祖藍上到接載嘅車，見到老婆已經預備好BB car seat喺車後座，佢又話：「亞男真的安排得太好了，她已經把這個（car seat）放到這裏，這些都是亞男訂的……所有事情都是她去弄，寶寶的房間、所有的衣服、迎接寶寶的party，她基本上一個人都搞定，如果沒有她，我最近就真的不知道用一個怎麼樣的心情好好的去工作。」可見，亞藍所做嘅一切，其實祖藍都看在眼內，亦非常感激。