菊梓喬：朋友話我做不成歌手我偏要做到！13歲輟學養家力，努力多年終有一翻成就～

By Aisa on 15 Jan 2019

一個追逐夢想的女生，深信未來是屬於相信心中美夢的人。

Hana菊梓喬喺12號晚舉行嘅《勁歌金曲頒獎典禮》連捧6個獎成大贏家，成為近日熱話～佢仲力壓容祖兒首奪「最受歡迎女歌星」，與歷屆天后齊名，出道兩年竟然力壓天后Joey拎獎，確實令觀眾們都覺得難以置信～

Photo from hana_kuk@Instagram

今次由菊梓喬封歌后，賽果免不了會被受質疑，有啲人認為TVB係有意優待星夢娛樂呢位「親生女」旗下歌手，不過其實Hana人氣並唔弱，上年佢主唱《使徒行者2》片尾曲《忘記我自己》，歌曲喺YouTube推出首日已經有過十萬點擊率，至今點擊已累計逾1100萬～而菊梓喬呢條歌手路，亦一啲都唔輕易。

Photo from hana_kuk@Instagram

今年32歲嘅菊梓喬，大概兩年前正式出道，佢曾經話過：「有些朋友說我：『你樣又唔靚，身材又唔好，年紀又唔細，又無錢，點做歌手？』我就偏偏要做到給他們看。」Hana好倔強，人地愈睇死佢，佢就愈要證明比人睇，而呢種性格嘅養成大概同佢嘅成長經歷有關。

Photo from hana_kuk@Instagram

Hana原名陳曉怡，自細父母離異，同妹妹相依為命。在學時期，屢次遭到同學排擠，加上家貧於是喺13歲輟學，投身社會工作，賺錢供妹妹讀書。

Photo from hana_kuk@Instagram

佢嘅第一份工係做美容學徒，因為當時年紀太細，只好做童工，月薪只得3,000蚊，回憶起呢段時期，佢話：「只有捱餓，一天只吃半餐，將一個公仔麵分成兩半，每餐只吃一半。」之後佢仲做過超過20份工，有零售、樓面、倉務員、髮型、美容等。一般幸福家庭下成長嘅人，確實難以想像Hana當時生活到底有幾艱難。

Photo from hana_kuk@Instagram

後來，佢18歲嘅時候因為接觸搖滾樂因而立志喺音樂方面發展。22歲就以「Haley Xc」為藝名擔任主音，同朋友組樂隊「遊樂園 Pleasure Garden」。一直到2013年，佢用自己本名陳曉怡參加《金牌麥克風》、《我要當歌手》同埋《綜藝大熱門》等台灣綜藝節目，未正式出道之前，佢早已累積唔少演唱經驗。