「做自己才活得快樂」鄭欣宜曾埋沒自我，被指用錢換愛，用經驗鼓勵大家堅強活出真我～

By Aisa on 19 Oct 2018

身為「肥姐」個囡，鄭欣宜（Joyce）細細個開始就受到注目，跟住喺媽咪身邊，見識娛樂圈嘅各種場面，而且周不時會上電視。長大後欣宜就決定加入娛樂圈，不過卻發現娛樂圈除咗為佢帶來絢麗嘅生活外，背後要經歷唔少辛酸。

Photo from princejoyce@Instagram

身為星二代睇落好似會比較有優勢，但出道八年，其實欣宜有過覺得好攰嘅時刻，觀眾並無因為佢嘅出身而特別關照佢，就算點樣努力，都會惹來一班haters抨擊，令佢心灰意冷，甚至有過退出樂壇嘅念頭，當時為咗討好fans，佢仲曾經失去自己。

Photo from princejoyce@Instagram

為增加fans 減肥減到認不出自己

藝人最常受到批評嘅就係外形，欣宜嘅身形一直以來都受到大眾攻擊。佢曾經為咗增加fans，而試過減肥、又刻意去令自己睇落斯文啲。因為係一個完美主義，Joyce做事一做就要做到最好，佢曾經努力令體重一度跌到130磅，由加大碼變到中碼，雖然令其他人刮目相看，但佢一啲都唔開心：「我覺得呢個唔喺自己。」

Photo from princejoyce@Instagram

當時情緒已經跌到谷底，反而令佢扔開一切，大不了就退出娛樂圈，但佢都要堅持行自己想行嘅路。之後，佢喺Facebook上宣佈唔再減肥，呢個舉動再次惹來一堆批評，不過都令佢贏得唔少女性或性小眾嘅支持。

Photo from princejoyce@Instagram

曾跪地求前度不要離開

Joyce曾經喺演唱會上，一時感觸自曝曾經為前男友放下尊嚴：「我跪在地下求他不要走，但他最後還是走了。我整個人傻了，人生沒有了自己，照鏡也認不出自己，想不到自己可以崩潰到這個地步。」

Photo from princejoyce@Instagram

唔單止曾經為咗別人目光而失去自己，佢仲為咗愛情而放下自己，不過今日嘅佢已經重新振作，佢相信每個人都值得被愛。「不少報導都説我用錢貼仔，説得我好像要用金錢才能換取別人的愛，It really hurts.」我地無辦法阻止論依，而呢啲言論依然會影響到佢嘅情緒，不過唔再可以影響佢嘅人生，Joyce承受住流言蜚語，繼續做自己。

Photo from princejoyce@Instagram

初戀男友向她出櫃成知心好友

Joyce第一次接觸性小眾，就係自己嘅初戀男友，對方有一天突然同佢坦言：「其實我是雙性戀。」佢當時無任何特別感覺，反而衷心祝福對方，將性小眾視為普通人一樣。Joyce曾經做過兩次同志朋友嘅證婚人：「我能為他們成就這件事，一方面覺得開心，另一方面也替他們感到可惜，因為我相信他們也很想獲得家人的祝福。」