10年過去依然桃花依舊～明星愛玩#10yearchallenge，這5個女星像吃了防腐劑一樣！

By Michelle on 17 Jan 2019

Digital Editor

近期喺社交媒體上都見到唔少人加入「#10yearchallenge」，一眾勇士們貼出自己2009同2019年嘅相做對比，10年過去，回頭一望到底係桃花依舊嘅感恩，還是回頭已是10年身嘅感觸？歲月一直係女人嘅大敵，但娛樂圈都有唔少藝人好似食咗防腐劑一樣，10年歲月過去，但就尚算避過歲月摧殘，依舊有迷人面孔！

#1 譚凱琪

憑《大帥哥》「天嬌」一角而人氣急升的譚凱琪（Zoie）10年前後真係無大分別！10年前27歲嘅Zoie淡妝關係，十足十中學生，宜家已經37歲嘅佢，妝容上有改變，但反而似27歲嘅年紀，挑戰「#10yearchallenge」成功！Zoi嘅虎紋位置、眼袋位置都唔見留任何歲月痕跡，網民見到都紛紛留言：「一樣咁靚女」、「點解可以一模一樣」、甚至有人認為「10年後仲靚！」，都有人開玩笑問「請問用開邊隻防腐劑」。

Photo from zozotam1o1o @ ig

#2 倪晨曦

即將加入人妻行列嘅倪晨曦（Elva）都貼出了10年前嘅舊相，寫下「由小傻妹變成大傻妹 but my smile never changed （我的笑容永遠不變）」2009年嘅倪晨曦望落無宜加咁白淨，但仍然係靚女一名！甜美嘅笑容至今都無改變～屬於女神級數嘅Elva即使淡妝下，雙眼依然十分精靈，仙氣女神當之無愧～

Photo from misselvani @ ig

＃3 官恩娜

官恩娜（ Ella ）亦喺Instagram上貼上自己10年前後嘅對比照，並感性寫到：「俗語話10年人事幾番新，10年前嘅我冇諗過10年後嘅自己會係點...09年真係非常難忘! 發生左好多事! 除咗踏入30歲，仲有我嘅事業由最谷底到有客戶因為八卦新聞想取消合作，去到參與’’超級巨聲’’ 得到多咗人嘅認同,之後多咗好多工作嘅機會，得到好多國際品牌嘅工作，都係同一年發生好似坐過山車咁！人生真係話唔埋，永遠唔知聽日發生咩事，所以我係好熱愛生命！因為生命永遠為我帶來驚喜！我就係10年前識我老公，好多謝佢俾咗一個咁溫暖幸福嘅家庭我！仲有一對仔女！我真係非常感恩！」已經離開幕前工作嘅Ella如今將心機放於育兒上，生咗一仔一女嘅佢面型比10年前圓潤，Ella 女人味大增，見到都覺得幸福～