把時間花在有意義的事上！劉心悠探訪非洲領養兩名孤兒，相信緣份不用自己找～

Hot Topics

By Aisa on 17 Jan 2019

劉心悠不嬲出名人美心也美，鐘意做善事嘅佢，最近就升呢做咗「媽媽」！其實係因為佢早前去非洲探訪，收養咗兩名當地嘅孤兒，心悠覺得自己生於幸福國度，而宜家城市嘅小朋友都生活富裕，佢就呼籲大家唔好浪費資源，要多關心有需要嘅人。

Photo from ladyceo_sumyauliu@Instagram

宜家37歲嘅劉心悠（Annie），保養得宜，樣靚而且身材好fit，不過就極少講起感情事，佢入行以來都無任何戀情，連緋聞都好少，過去合作過嘅型男都唔少，但統統都無發展出咩感情，搞到連身邊嘅朋友都擔心佢因為太專注工作而忽略愛情生活～

Photo from ladyceo_sumyauliu@Instagram

其實心悠成長以來拍過三次拖，可惜都無疾而終，入行以來一直保持單身，心悠解釋係因為自己性格被動，好難同異性發展～不過佢對單身呢樣野睇得好開，亦唔會勉強：「真的未試過轟轟烈烈愛一場，但沒所謂，人沒有愛情又不會死！」

Photo from ladyceo_sumyauliu@Instagram

心悠成長於單親家庭，父母自小離異，一直同母親相依為命，曾經花咗好長時間先原諒到父親，亦可能因為咁而影響咗佢嘅愛情觀，令佢唔敢輕易同人開始一段關係，佢仲形容自己喺愛情上有潔癖，對於戀愛唔會急進，要靜待真命天子出現，佢話：「我深信幸福不會與我擦肩而過」

Photo from ladyceo_sumyauliu@Instagram

早前心悠就由國際培幼會安排下去到非洲探訪，仲到過當地難民營同埋做家訪，心悠好有感觸：「今次旅途好遙遠，去咗非洲難民營同當地一個家庭，睇到佢哋所遇到嘅問題，了解草根性嘅問題，了解佢哋缺乏啲乜？點可以着手幫手？我自己好享受今次經歷。探訪完會覺得自己係好幸福，人為咗生存係會做好多嘢，其中一個個案係5姊妹係孤兒，當中10幾歲嘅大女，為照顧4個妹妹，每日頭頂20個磚頭，搬15轉，每日得2.6港幣，睇佢覺得好慘，但係佢為咗生存，我覺得佢係英雄！咁細個有咁多重擔喺身上，所以知識、求生能力好重要，我發覺最緊要係照顧佢哋嘅生活，所以固定一筆錢供佢哋返學、買營養食物，呢啲先可以全面照顧到佢哋嘅問題。」