一生只為愛你一人～吳尊遺傳父親的深情，吳爸憶亡妻：雖然你不在身邊，但仍充斥我周圍每一寸空間。

By Michelle on 17 Jan 2019

Digital Editor

Life is short, don't be lazy . Be your own idol to enjoy every moment !

內地真人騷《最美的時光》就好似一催淚一樣，集集都勁感動。早前吳尊爸爸首次喺節目上露面，網民紛紛大讚吳家基因強大，的確，72歲嘅吳爸爸凍齡有道，外貌非常帥氣，吳尊唔單止遺傳咗爸爸嘅外表，仲遺傳咗「深情」嘅個性～吳尊同吳爸爸一樣，都係同初戀結婚，雖然吳媽媽已經去世多年，但吳爸爸至今提及對方都依舊會忍唔住眼濕濕～今集吳尊就同爸爸番到母校搵到父母中學時期嘅照片，吳尊開始難以抑壓心中嘅疑問，開始追問起爸爸當年追媽媽嘅青春點滴。

Photo from Weibo

之前吳尊喺節目上大談愛情觀，提到自己15歲嘅初戀就係佢自己宜家老婆嘅時候，在場嘅人都大嚇一跳，紛紛投以羨慕嘅眼光。

Photo from Weibo

佢仲喺訪談入面分享戀愛保鮮秘訣：「我覺得可能與我自己本身很珍惜對方有關係吧，比如說我們不會吵架，（然後）冷戰一兩天，我們不會的，我們一定是當天解決掉，所以我覺得我們每一天都是完美的。」

Photo from Weibo

今年72歲嘅吳爸爸，深愛住吳尊媽媽已經55年，當提及到去世多年嘅吳媽媽，吳爸爸仍然會忍唔住眼濕濕。而佢更笑言囝囝吳尊可能係遺傳咗自己嘅長情：「就是堅持只愛一個人，跟我那時候時一樣。」

Photo from Weibo

吳爸爸提及，打從17歲起，佢便深愛住吳媽媽，每日下學都會推著自單車同吳媽媽並肩回家，但又因為怕醜而唔會傾計。所以吳爸吳媽呢對「小情人」歸家路上一路無言，而「拖手仔」都係兩人訂婚以後發生的事，吳尊形容父母嘅愛情故事都係單純又羞澀。

Photo from Weibo

2002年，吳尊媽媽因病過世，吳尊當時打擊甚大，但又因為係一家之主兼企業掌陀人，吳爸爸只可以頂硬上，夜闌人靜時只可以依賴安眠藥入睡。

Photo from Weibo

吳媽媽去世17年，囝囝都組織家庭了，吳爸爸多年來仍記掛太太，依舊一支公生活，都無搵個老伴陪自己度過晚年。2007，佢仲以自己同太太名義給向學校捐贈教室，藉以鐫刻同銘記佢跟太太嘅愛情。吳爸爸仲跟太太隔世傳情：雖然你不在我身邊，但你仍然充斥我周圍的每一寸空間。

Photo from Weibo

吳爸爸憶述當年太太離開：「晚上要吃那種鎮定丸，在想病怎麼會在她身上發生，她姐妹全部都是很健康的，都沒有這種癌症，幾個兄弟姐妹當中怎麼只有她得到這個病，我真的想不通。不過她很堅強，她說不要給孩子知道她得了這個病，反正給他們知道也沒有用，讓他們擔心是沒有需要，她就是這樣堅強，從來沒有表現過很悲傷甚麼。」即使去世多年，但吳尊同吳爸爸仍然好掛住媽媽，感性兩父子更忍唔住喺鏡頭落流下男兒淚。