即將遇上真命天子！2019年最大機會脫單的三個星座—雙子、人馬、白羊座女生快發掘你的紅線～
所謂「一年之計在於春、一日之計在於晨」，新一年開始起步無幾耐，你有為自己設下一些目標嗎？以下3個星座嘅單身貴族，今年行桃花運，好大機會會遇上真命天子脫單呢～記得機會就係留畀有準備嘅人，就算榜上無名嘅女生，都要記得好好裝備自己，以最好嘅自己迎接美好的他～
第一位： 白羊座
恭喜你！如果你一直都對異國戀情帶有期盼嘅話，咁今年就係最適合出手嘅時機～桃花機緣會令你哋遇見彼此，而且非常投契～但要記得，於展現博學多聞一面時，都要持著開放嘅心態去接受異國文化，切勿「叻唔切」同埋有太多預設嘅偏見～一段戀情萌芽總對需要公平、對等嘅生長環境呢，互相尊重先可以發展相知相惜嘅異國戀情！
Photo from misselvani @ ig
第二位：雙子座
對於雙子座嚟講，拎出你社交能力強嘅一面吧！今年無論係工作上定係拓展人脈上，你都好應該放手一博，因為真命天子就係其中～好好把握呢份緣分吧！
Photo from kelllycheung ＠ ig
第三位：人馬座
人馬座嘅真命天子就喺你自己身邊！好好留意一下最近新認識嘅好感對象，又或者已經跟你打鬧幾乎一世嘅最佳損友吧～今年你哋有機會擦起愛火，就好似突然意識到對方其實就係你一直以來等待良久嘅伴侶，既然幸福就喺不遠處，就細心地發掘一下吧～
Photo from choisaaaa @ ig
Text: Girls Editorial
Photo Source: Instagram
