婚紗簡單、儀式從簡、 婚後生活也愛平淡！簡單就是幸福根源，馮德倫和舒淇兜兜轉轉20年的愛情。

舒淇同馮德倫2016年宣佈結婚，當年兩個人高調公佈結婚相，分享二人戀愛點滴，大放閃光彈！但兩公婆其實都係低調之人，好少喺公眾場合同社交平台曬恩愛，間唔中都因此而傳出二人有婚姻危機，但愛情又豈止「放閃」咁膚淺呢～事實上馮德倫同舒淇就係一對又低調甜蜜嘅愛侶。由各自跟唔同對象，走過人生一段又一段路，兜兜轉轉20年終究都係番到對方身邊～放閃不放閃，又點可以為佢哋嘅愛情下定論呢～

Photo from sqwhat ＠ ig

1998年，馮德倫同舒淇合作電影《美少年之戀》而傳出緋聞，馮德倫更被拍到到訪舒淇家中，不過當時雙方都未有承認戀情。當年馮德倫正跟莫文蔚熱戀，而舒淇就因為電影《玻璃之城》而傳出跟黎明撻著。

Photo from from Sina

2009年，馮德倫跟莫文蔚正式分手，相戀9年，始終都係有緣無份。正當大家都覺得呢個係馮德倫跟舒淇喺埋一齊嘅好時機，但命運並無安排呢件事發生。當年爆出馮德倫跟徐若瑄相戀，但因為生活相隔兩地，聚少離多，戀情只維持一年多都係分手收場。

Photo from from Sina

2016年，兩小口子趁喺捷克拍攝《俠盜聯盟》時，工作期間出走一天，於布拉格毫無反顧地許下最神聖嘅承諾，舒淇當年並無選擇華麗嘅嫁衣禮服，只係著上簡單禮服裙，以田園作背景，二人回歸最純粹真摯嘅愛情。

結婚後，兩個人好少喺公開場合談論婚姻後嘅生活，兩人的微搏上連合照都幾乎無。

馮德倫於節目接受訪問時，曾經講到：「我覺得她一直都很好啊，她也不會跟我吵架。」分享舒淇作爲賢妻嘅一面，語氣中透露出兩人婚後十分融洽甜蜜。

「我們相識了20年相戀了四年、我毫無反顧地娶她了、我們決定互相糾纏一輩子、我們結婚了」「什麼都可以錯，但是別錯過愛你的他／她」。呢啲「婚後感言」，只係文字都能感受到兩人之間嘅幸福。

舒淇喺內地節目《中餐廳2》中都有唔經意地放閃，趙薇問舒淇：「我那天看到一個新聞，說妳老公特別驕傲地說『我老婆特別會燒飯』。」舒淇搞笑咁回覆：「但是我從來沒有認真的為他燒過一頓飯，但只要是我燒的，他都說好。」試問天下有邊個女人唔會因此甜入心～

雖然唔係成日放閃高調曬恩愛，但低調式嘅閃光彈可以睇得出兩個人閒時都喜歡互相陪伴，假日散散步、玩玩貓。所謂「陪伴就是最長情的告白」，馮德倫同舒淇呢一對戀人相遇相知陪伴對方20年，由密友成為同偕白首嘅對象，這樣真實的愛情和穩重的感情基礎令人再一次相信「關於愛情—命運自有安排」，祝福佢哋會一直幸福下去！

Photo from sqwhat ＠ ig

Text：GirlsLike Editorial

Photo source： Instagram , Sina