朱咪咪見義勇為！馬路遇危險情況，停車救10歲自閉男童，助人行為獲網民大讚～

講起朱咪咪，第一時間諗到嘅一定係佢嘅經典台詞：「乜都咁隨便，點會有人比面？」印象中咪咪姐總係笑容滿臉，睇落豪爽又開朗～其實鏡頭後嘅佢心地好好，好有正義感，最近仲見義勇為，伸出援手幫助一位自閉男孩，大網紛紛比咪咪姐一個讚呀！

Photo from 朱咪咪@Weibo

喺新加坡出生嘅咪咪姐成日都會返新加坡陪屋企人，日前佢就係新加坡嘅時候，喺馬路上遇到一個亂過馬路嘅小朋友。

Photo from 朱咪咪@Weibo

當時揸住私家車嘅咪咪姐，見到呢個男童喺馬路中間穿梭，又完全唔理會其他車輛，仲要喺馬路上狂奔！雖然身後已經有位老婆婆緊追住佢，但男童都無意停下來～

Photo from 朱咪咪@Weibo

當時，咪咪姐眼見有一架巴士正向男童迎面駛來，佢緊張到即刻狂撳響咹提醒巴士司機停低，情急之下，佢仲衝落車，試圖叫停個男孩，但因為個男仔實在跑得太快，咪咪姐未叫得停佢，佢已經跑走左～

Photo from 朱咪咪@Weibo

事後佢從嗰位婆婆口中得知，原來男童係患有自閉症，所以先會發現呢種情況。而咪咪姐最近接受當地訪問嘅時候，就感觸地話：「一開始以為係兩婆孫玩緊，但若然係有特殊需要的話，一個老人家真係照顧唔嚟！。」

Photo from 朱咪咪@Weibo

雖然咪咪姐最後都捉唔實個男仔，不過佢呢奮不顧身走落車救人嘅行為，真係好值得欣賞，大網都話要比個讚佢呀！

Photo from 朱咪咪@Weibo

Text：GirlsLike Editorial

Photo Source：Weibo