無顧世俗眼光相愛12年，張繼聰向Kay深情表白：一段成功的婚姻就是與同一個人墮入愛河很多遍！

謝安琪 （Kay)、張繼聰出名係娛樂圈恩愛夫妻，由一開始時不被睇好，仲有一段時間受盡「女尊男卑」嘅輿論影響，但兩公婆共患難，無理會世俗眼光決定牽手相愛下去。琴日就係佢哋結婚12周年紀念日，張繼聰於ig上載兩隻杯嘅照片，杯柄刻有兩公婆英文名：Louis同Kay，夜晚就同老婆去二人世界撐枱腳，已為人母嘅Kay 著上一條低胸黑色長裙固然搶鏡，但最吸引莫過於阿聰深情表白 “A successful marriage requires falling in love many times ,always with the same person.” (一段成功的婚姻就是與同一個人墮入愛河很多遍。)

Photo from louischeung2013 ＠ ig

琴日張繼聰大放閃光彈，先係上載一對刻有兩個人英文名嘅木柄杯。

Photo from louischeung2013 ＠ ig

晚上仲同太太Kay食燭光晚餐，穿上黑色連身裙嘅Kay散發陣陣女人味～

Photo from louischeung2013 ＠ ig

Photo from louischeung2013 ＠ ig

能夠有今日羨煞旁人嘅幸福，背後就係重重難關。正喺Kay事業大紅大紫期間，佢毅然決定宣佈懷孕，嫁畀張繼聰。當時外界覺得Kay比張繼聰紅，事業上男方處於弱勢，好多人質疑佢地會唔會合久必分。

Photo from louischeung2013 ＠ ig

曾經有一段時間，傳出Kay同已婚嘅陳奕迅搞曖昧，面對太太有背夫偷食之嫌，張繼聰霸氣咁話：「如果你同另一半嘅關係好好，自然唔會有空間可以容納到其他人。」支持老婆背後，就係需要強大嘅心靈面對外界言論。

Photo from louischeung2013 ＠ ig

2010年，Kay 喺樂壇上成績非常好，張繼聰當晚食住抗抑鬱藥，去到頒獎禮支持太太。兩年前佢主動喺fb上講番當晚既感受，除咗開心感動外，就係「好驚好怕，好擔心食白果嘅我唔知又會比人點嘲笑。」當年阿聰嘅成績無論喺樂壇定係影壇上都無代表作，成績強差人意，但太太Kay卻正值事業高峰期，作為男人且係人夫嘅阿聰所承受的嘅壓力一定好大。

作為公眾人物，謝安琪同張繼聰從來都唔係容易嘅一對。張繼聰無理會「謝生」、「廢柴老公」嘅雜聲，只專注喺家庭、愛情道路上，最終跟謝安琪修成正果，擁有美滿的婚姻。

Photo from louischeung2013 ＠ ig

張繼聰為咗家庭拼博事業，近年接咗唔少電視劇演出，把握得來不易嘅機會，演出成績亮眼。終於擺掉「靠女人」嘅印象，努力令家人過更好嘅日子。

Photo from louischeung2013 ＠ ig

張繼聰曾經講過，同太太好努力keep住拍拖嗰份感覺，令感情歷久常新。12年時間，過長唔長過短唔短，但對張繼聰嚟講，當事人就覺得係「快樂不知時日過」，張繼聰亦積極奉行老婆永遠是對的之道，將兩個人之間嘅磨擦減到最低。「如果有一邊永遠覺得自己錯晒，就邊會有磨擦先？做老公得一個道理，係咪你錯都要第一時間講對唔住，愈快講（對不起）件事愈快過去。」

Photo from louischeung2013 ＠ ig

難怪謝安琪咁多件來都對老公讚不絕口，又笑言經過幾段戀情，到最後發現自己需要一個搞笑嘅「擔水泥嘅人」（即張繼聰），無過往經歷，就不會遇到現在張繼聰。

Text：GirlsLike Editorial

Photo source：Instagram