秦嵐百變造型著出富察皇后風範，身穿粉藍色公主禮服出席頒獎禮，網民：仙氣有如真人版灰姑娘！

《延禧攻略》熱潮過去，延續《延禧》大半班人馬嘅《皓蘭傳》即將上映，一眾劇迷已經急不及待追新劇～《延禧》劇中人氣角色深得大家喜愛，特別係飾演富察皇后的秦嵐，予人印象溫文爾雅，已經37歲肌膚仍然吹彈可破，加上大方得體形象令佢人氣持續高企，成為唔少男生女生嘅女神～去年年底秦嵐現身《2018微博之夜》頒獎晚會，跟嫻妃佘詩曼同台，兩個仙氣女神超吸睛，更一同獲得「微博年度女神獎」，真係實至名歸啊～

Photo from from weibo

秦嵐一身公主打扮，以鑲有閃閃生輝嘅水鑽粉藍色公主禮服配上瀏海髮型，傘形裙擺令佢更添仙氣，骨肉均稱嘅身形完演繹何謂「仙女下凡」。

Photo from from Weibo

秦嵐嘅紅毯禮服造型更被網民譽為「真人版灰姑娘」，完美散發高貴的公主氣質，簡約而點到即止嘅飾物更突顯佢嘅貴氣而不庸俗。

Photo from from Weibo

當晚除咗粉藍色禮服外，佢喺上台領獎前都換上另外一套浪漫裸粉色的薄紗長裙，跟嫻妃同台，睇落比起佘詩曼高出足足半個頭，但其實高佻美人背後都花咗唔少功夫架～

Photo from from Weibo

秦嵐腳踩一對超高嘅高跟鞋，目測大概有25-30cm，上落台都需要佘詩曼在旁輕扶。

其實秦嵐每一次出席活動的造型都可以引起轟動，好似上一次巴黎時裝週佢以一條藍色雪紡連身裙出席活動，清雅又脫俗，美得令人目不轉睛～

Photo from from Weibo

娘娘難得展示小性感，但就一啲都無廉價嘅感覺，反而將佢嘅氣質襯托得好完美，完全就好似皇后一樣高貴又端莊，而且皮膚更是雪白透亮。

Photo from from weibo

絲絨連身裙配以雪白肌膚，真的美得令人驚艷～

Photo from from weibo

娘娘穿起粉紅色禮服完全零違和感，幼吊帶設計露出雪白香肩，氣質真的滿分啊！

純白色緊身禮服突顯秦嵐的身材，加上長長的魚尾設計，令娘娘看上去更添少女感～！

娘娘都有走成熟性感風嘅時候，一身黑色閃亮長裙配上大紅唇，時尚感滿滿的！

以上每一件禮服都是小編大愛，因為著嘅人係秦嵐啊～

Text：GirlsLike Editorial

Photo Source： Weibo