回憶崎嶇情路不沮喪！雯女感恩得到愛情智慧，學會取悦自己「 一輩子很長，要找個有趣的人在一起。」
52歲嘅鄧萃雯於個人社交平台自號「正能量的快樂單身女子」，曾歷坎坷戀情，雖然至今感情仍然空白一片，但雯女就從來唔覺得自己有「欠缺」。
Photo from from Weibo
鄧萃雯細細個就喺缺乏愛嘅環境下面成長，父母離異所以自小由祖母照顧。雖然如此，但上天比咗佢一個好好嘅機會開展演藝事業，佢嘅起步非常容易，當年一加入電視圈就做女主角，佢之前從來無打過工，第一份工作就係做演員，而且仲要係擔正做女主角。
Photo from from Weibo
完美主義嘅雯女，一度因為工作壓力令自己患上情緒病：「我係有情緒困擾，工作上嘅壓力好大，大到有段時間好似失去咗演戲能力…好驚收到新劇本，我失去咗自信，連背到對白都無信心。呢種痛苦都可以話比人知。 」
Photo from from Weibo
雯女曾於好友劉美娟新書《擁有失去》提及，自己受父母離異影響，成長經歷令她練就了比任何人都堅強嘅性格。人生過了大半，雯女又對愛情有另一番領悟：「宜家我唔係太渴望婚姻，我回看好多同我同年紀嘅人，好似已經過咗一個循環，結婚過之後又離婚，回復到單身狀態，同我一樣。而我身邊嘅朋友、家人，佢地都係結過婚嘅過來人，都無人建議我一定要結婚。單身我超快樂。」簡單一句，大家都能夠感受到佢係真正擁有人生快樂。
Photo from from Weibo
雯女不時於微博中上載生活照，記下心情點滴。古語有云「三十而立、四十不不惑、五十知天命」，50有2嘅雯女感情世界嘅感受深刻細膩，寫下唔少發人深省嘅語錄，若然自問人生經驗未夠深，但我哋至少能夠從有經驗嘅人身上得到一些啟發同智慧吧～
Photo from from Weibo
＃1 有工作感恩，沒工作時更感恩，因為又可以有空跟家人旅行團聚，父親不年輕了更要活在當下。
＃2 我的老死們都結婚生仔了，所以我不一定要完成這些人生大事也能明白和體會。
＃3 取悦自己是一件很幸福的事，先要懂得爱自己才有能力去愛人。
＃4 人有時真的好像會逃不過命運的厄困，好像無力的逃離，以至不斷的下沉。
＃5 在感性的情感世界，女人聰明又強大，到底是喜還是悲？！
＃6 一輩子很長，要找個有趣的人在一起。
＃7 快樂，有時是一種選擇。會愛惜自己的人，比較容易快樂。
＃8 不用羨慕年青人年輕事，成熟才是真正的豐盛美好！
Text：GirlsLike Editorial
Photo Source：Weibo
