不止知音更是知己！陳凱琳懷孕6個月，少婦聯盟4大美女團年～閨蜜不是親人，情誼勝似親人。

陳凱琳 （Grace）日前跟「少婦聯盟」一班好姊妹飯聚，提早食團年飯。已經有6個身孕嘅Grace雖然手腳仍然纖幼，面仲係尖尖，但已經好「見肚」，化上淡妝嘅Grace新手媽媽味出唒嚟，3位好姊妹仲一齊摸著Grace嘅肚子，沾沾豬寶寶嘅旺氣，閨蜜情深場面真係非常溫馨～

Photo from ghlchan @ ig

「少婦聯盟」有龔嘉欣、譚凱琪、陳凱琳同沈卓盈，4人因拍劇認識，結果一拍即合，發覺大家都鍾意講「師奶野」，於是組成了「少婦聯盟」。不過小編就覺得呢班「小師拉」真係一啲都唔師拉不突止，仲要個個都係靚女～

Grace 最近頻頻出席活動分享懷孕心得，而聯盟成員工作上各有各忙，但就keep住密密有飯聚～

Photo from ghlchan @ ig

今次佢哋就齊齊打邊爐，提早食團年飯。一班好閨蜜除咗一起食飯，點會少得「訴心事環節」，齊齊分享生活上點滴。

Photo from ghlchan @ ig

其實少婦聯盟感情一向好好，每次有生日壽星妹，少婦聯盟每位都畀足面抽空出席好朋友嘅生日飯局。要知道娛樂圈工作無定時，要約齊4個人其實真係唔容易架，難得好姐妹都好有大家心～

Photo from jessie_sum ＠ ig

Photo from ghlchan @ ig

Photo from kungkaty @ ig

雖然大家都唔係18、22歲了，但dress code 派對永遠都係女生至愛！著靚衫，影靚相～女生就是要這樣的晚上！

Photo from ghlchan @ ig

喺最熟悉、最安心嘅人面前，可以放下包袱，做最真實的自己。跟好姐妹分享好用的化妝品、護膚品，都係女生之間獨有情趣之一呢～

Photo from ghlchan @ ig

龔嘉欣話：「閨蜜—喜歡分享快樂，就算有甚麼不快事，也就你撐着我，我撐着你。」生活即使有錯折，你也會知道遠方有一個默默支持著你的人，她不是你親人，也不是你伴侶，卻教你學會甚麼是「珍惜」、「友情」，你也有想起這樣的一個她嗎？

Photo from kungkaty ＠ ig

Text：GirlsLike Editorial

Photo Source：Instagram