田蕊妮全裸上陣拍唱片封面，藝術感畫面極吸睛～40+1仍是一支花，網民：勇敢又震撼！
41歲田蕊妮唔單止演藝了得，以歌手出道嘅佢近年舖路埸返樂壇，最近就為新碟《Saturnian》作出極度性感演出！阿田一絲不掛上陣，化上人體彩繪，仲即興拍輯了一輯身上「零添加」的相～！阿田話本來只係諗住用作個人收藏，但因為相片效果配合到唱片主題，所以臨時加印在碟內，阿田更說：「係最大膽一次，或係最後一次。」網民都睇到嘩嘩聲，大讚阿田好勇敢之餘，更形容作品係有「震撼美」！
Photo from tinyuilee ＠ ig
阿田為咗過更健康嘅人生，近年愛上運動，練出一身好線條，更擁有令人羨慕嘅23吋纖腰！今次在新碟封面上以全裸上陣，完全展現出女人40，健康且性感嘅一面。
Photo from tinyuilee ＠ ig
阿田更於碟中親筆撰文寫感受，但佢表示作曲、填詞太高難度，暫時只會專心唱歌，又希望將來可以舉行音樂會～而佢所屬嘅星娛樂唱片公司執行董事朱先生就話：「阿田係我哋唱片公司一姐，張碟投資咗七位數，嚟緊會幫佢搞音樂會。」有說「30而立」，如今阿田已經係40+1，但就屢屢於事業上創出高峰，真係最好嘅人板話你知—追夢有心唔怕遲！
Photo from tinyuilee ＠ ig
阿田在相中盡現完美身段，攝影師安排阿田在黑布後露出胴體及長腿，並屈膝橫抱全裸身軀，帶出唯美的藝術感。
Photo from Photo from 星娛樂
唔好以為阿田係天生麗質～阿田嘅「黑歷史」，係最高峰時期有130磅，30吋腰！喺娛樂圈，要靠外表搵食，女人有30吋腰呢個數字真係少之又少。後來阿田受老公杜汶澤鼓勵下，積極減肥，全靠阿澤嘅「杜氏減肥大法」—進食雞胸+蛋白，配合運動，成功減成23吋腰！網友都驚呼「太勵志了～」
Photo from tinyuilee ＠ ig
Photo from tinyuilee @ ig
之前TVB夜晚播出綜藝節目《女人四十》，阿田以踏入「40大關」嘅女性角度大講女性話題—扮靚、女人內心世界，如何突破自我等等，引起唔少觀眾有共鳴。愛情上以偉大、成熟見稱嘅田蕊妮唔單止對人生有一套領悟，對於運動保養呢回事，阿田背後都落咗唔少苦工！所以話，女人40真的不會被女生20比下去，就好似田蕊妮咁，人成熟了，智慧美勝過內心美；而外在美就可以透過多做運動，比唔少後生女仲fit，皮膚更勝從前！常言道「女人唔Keep好易老」，其實係「女人唔上進更易老」！
「夫妻同心，其利斷金」，為喜歡嘅人成為一個更好嘅自已，實在係好sweet好幸福～
Photo from tinyuilee @ ig
阿田以40+1 過來人話你知，扣喉、食瀉藥呢類唔健康嘅方法只會係傷身並且治標不治本。要減肥唯有努力緊持，多做帶氧運動消脂，例如跑步。如果想維持體重嘅話，可以選擇散步最少一小時。
Photo from tinyuilee @ ig
阿澤仲不時設計減肥晚餐畀老婆食，正如阿田所講：「一分耕耘 一分收穫，運動是最公平的。」阿田嘅努力成果大家有目共睹～宜家阿田無論喺台慶定係頒獎典禮，每次都自信滿滿著上高貴晚裝﹐加上高佻骨肉均稱嘅身型同一頭爽朗短髮，小編真係覺得好靚啊～
Photo from tinyuilee @ ig
Photo from tinyuilee @ ig
阿田仲強調今次絕對唔係為裸而裸，只是想帶出40年來累積好多經歷與經驗，「最光輝的歲月，往往是中年，因為時間洗脫了年少無知，成熟带來堅忍毅力，如洗盡鉛華。抹去了閃爍浮誇，却浸淫出內涵與智慧，這才是最好的時候讓我們從新出發。」表達打破自我保護嘅無形盔甲，呈現最真實嘅自己。
Text：GirlsLike Editorial
Photo source：Instagram， 星娛樂
