我這輩子的幸福都靠蔡少芬！結婚十年仍甜蜜如初，「顧家好男人」張晉事業有成不忘妻女～！

講起張晉你最先會諗起佢邊個身份？相信大部分人都會諗起佢係蔡少芬嘅老公，但其實佢係「第33屆香港電影金像獎」嘅最佳男配角，超威！佢係講獲獎感言時同老婆蔡少芬講：「我的老婆是蔡少芬，很多人說我這輩子要靠她，是的，我想說我這輩子的幸福都靠她。我低迷時我曾對她說：『只得你一個欣賞我有甚麼用？』現在大家也欣賞我了。我與她風雨同路，風雨經歷了太多，希望未來有更多的風景。」

呢一席話雖然唔及劉青雲嘅「太空船理論」浪漫，但係感動程度絕對拍得上！！見到蔡少芬喊個刻小編都不知覺地眼濕濕～！

張晉同蔡少芬因戲結緣，2003年時他們一齊拍《水月洞天》之後就擦出愛火花，接住喺2008年結婚，現時他們兩人組織左一個超級幸福嘅家庭，育有兩個靚靚女兒！不過原來幸福背後，兩人其實經歷左唔少風波㗎～！

張晉追求蔡少芬被拒足足3次

張晉在拍完戲後向蔡少芬表白話自己好鐘意佢，問人地可唔可以做佢女朋友，點知俾蔡少芬狠狠咁拒絕3次咁多，之後兩人都有繼續聯絡，張晉憑住永不放棄嘅精神繼續追蔡少芬。

最後有一次張晉因為要陪朋友嘅女朋友令到自己好耐都冇去搵蔡少芬，蔡少芬呷醋叫他唔駛黎搵自己，張晉就當然即刻衝去搵佢話：「你呷醋了，不如真的試一試和我拍拖吧！」就係咁二個人就開始左呢段戀情。

戀情不被人看好

兩個人兜兜轉轉一齊左，但係就唔俾外界睇好呢段關係，因為當時嘅蔡少芬係當紅花旦但張晉就只係個小演員，個時大家都經常用「女尊男卑」呢個形容佢地嘅關係，話張晉要靠蔡少芬，不過蔡少芬完全冇介意過，反而經常安慰同支持張晉，幫助佢走出低潮。

張晉曾話：「「剛開始跟她拍拖的時候，我想跟她結婚，到幾年以後，我就不提了，她想跟我結婚我也一直沒有說甚麼，其實我就覺得如果事業再好一點兒再去考慮這個事情。但後來經歷所謂低潮之後，我就知道這個行業可能就是你這輩子不管你再怎麼做，可能你就這樣，所以那樣想的話，我覺得應該做甚麼便做甚麼吧。」

張晉宜家唔再只係「章子怡替身」，佢憑住《一代宗師》成功拿下金像獎最佳男配角，佢拍嘅電影套套都高票房如《殺破狼2》同《葉問3》，事業有成嘅佢對蔡少芬始終如一，係個專一顧家嘅「絕世好男人」，一家人經常喺微博放閃，超幸福啊～！

Text：POP-OL Editorial

Source：Weibo, Pinterest