走進《千與千尋》的夢幻國度！日本古老溫泉小鎮，一生必看的「最美雪景」～

位於日本山形縣嘅銀山溫泉，每年冬季都會落大雪，被雪花包圍嘅小鎮變成銀白色嘅童話世界，非常夢幻！唔知大家望到呢個場景會唔會覺得有啲熟悉呢？其實呢到同時喺著名動畫電影《千與千尋》嘅靈感來源，仲被外界評為一生必看嘅「最美雪景」～

銀山溫泉小鎮充滿濃厚嘅歷史感，置身古老嘅溫泉街上，猶如穿越到《千與千尋》嘅異世界裡面一樣，夢幻景緻令人迷醉！

溫泉街圍繞河道伸延，整條街充滿簡樸古老嘅木質建築。每當日落時分，街邊一盞盞嘅煤氣燈就會悉數亮起，營造出一片帶有懷舊氣息嘅美景！

講到到訪銀山溫泉嘅最佳時節，一定係冬天！呢到嘅降雪量之大係日本少有，每到大雪紛飛之時，屋頂上層層積雪為小鎮增添浪漫而夢幻嘅氣氛，令整座城市更顯神秘。

來到呢個美麗嘅溫泉小鎮，當然要去泡一個暖暖嘅溫泉！喺寒風凜冽嘅天氣裡面，可以邊泡溫泉，邊欣賞浪漫雪景，確實令人幸福感倍增，如此高質嘅享受，人生一定要體驗一次～

每逢冬季，前來嘅遊客都會好多，建議提早兩至三個月預訂酒店！如果你計劃下個冬季去日本旅遊，就絕對要到訪一下呢個浪漫嘅古老溫泉小鎮啦～

景點地址：山形縣尾花澤市銀山新畑地內銀山溫泉

交通方式：去銀山溫泉最好從東京出發會最方便。在東京站乘坐山形新幹線，大約三個半小時左右會到達JR「大石田」站，然後換乘巴士，大約30-40分鐘後便會到達銀山溫泉～～

Text: TopBeauty Editorial
Photo Source：小紅書，Pinterest