相睇成功牽手~「港版羅拉」朱芊佩仙氣登場覓得如意朗君~男方欣賞:擁有堅韌的靈魂。

相睇成功牽手~「港版羅拉」朱芊佩仙氣登場覓得如意朗君~男方欣賞:擁有堅韌的靈魂。

Hot Topics Relationship
By Michelle on 29 Jan 2019
Digital Editor

去年突然爆紅嘅「港版羅拉」朱芊佩,上年年尾接拍內地綜藝節目《送一百位女孩回家2》,正式向藝人方向出發。時隔幾個月,單身嘅佢再參與內地相親節目《新相親大會》,節目中更分享自己嘅感情經歷同擇偶條件,長相唔錯嘅朱芊佩正職係搬運工人,超大反差因而引起網民熱話。今次參加相親節目,就以一身仙氣白色長裙造型登場,最後更覓得如意朗君!

29歲嘅朱芊佩有「最美搬運工」之稱,今次節目登場時著上白色仙氣連身裙,又化咗精緻嘅妝,跟平日工作打扮判若兩人。

朱芊佩於節目上分享個人感情經歷,大談對過去感情嘅失望~拍過兩次拖,兩段感情都不太愉快,曾經有個個同樣做運輸嘅男朋友,但因為對方沉迷賭博導致分手收場。日常工作雖然係技搬搬抬抬,但佢感觸地表示,自己都係一個女人,都希望被人愛錫。朱芊佩一副硬朗外表,但藏住與一般女生無異嘅靈魂,佢更講到生病時,會感到份外無助~

而朱芊珮唯一嘅擇偶條件就是:「想找一個頂天立地,腳踏實地的男子漢,不要總想著坐享其成和賺快錢。」

《新相親大會》節目雖然係「相睇」節目,但男主角並唔會一早現身跟女方直接認識,而係由男家父母選擇接唔接受呢個「未來新抱」。經過一輪自我介紹後,有兩家「未來老爺奶奶」認可朱芊珮,但就有其中一家嘅媽媽指出佢必須放棄搬運工作,反而有另一家嘅爸爸話將來會加以照顧朱芊佩,令小妮子大為感動。

直至兩位男主角出場,3號參賽者榮迪申承諾會畀一個美滿家庭嘅家庭,更形容佢擁有「堅韌的靈魂」,加上3號參賽者家人就係係爸爸承諾會多加照顧嘅一方,因此最後決定朱芊佩諗都無諗就鐵定選擇3號榮迪申。

兩個人更惺惺相惜擁抱起來。

接受訪問時,朱芊佩表示自己被「堅韌的靈魂」呢句說話感動,竟然有人會欣賞自己,所以選擇咗對方。

希望呢個會係朱芊佩幸福嘅開端~

 Text:GirlsLike Editorial

Source:Internet

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK