「幸福是遇到他，你想生他的孩子」Lisa S由討厭小孩至為吳彥祖生B，放棄部分自己成就8年幸福婚姻！
台灣女星大S曾經講過：「幸福是遇到一個人，你想生他的孩子」，這大概係女人特別強烈嘅感覺，那是不是意味著，即使遇上喜歡嘅人，都頂多只是有喜悅、快樂，未至於立刻想替對方兒育女？有時候，第一印象可以好準確，你會立即意識到佢係咪你嘅Mr right／Mrs right；但更多時候，第一印象都只不過是故事嘅開頭，尤其係愛情故事。吳彥祖同Lisa S.出哂名郎才女貌，典形模範夫妻，生咗小朋友後，仲保持住婚前一團愛火。其實，呢段異國戀最初只是一段美好桃花，對吳彥祖而言，一開始佢無諗過要娶Lisa S. ，Lisa S.都無諗過會為佢生孩子。
Photo from thelisa_s @ ig
今年39歲嘅Lisa.S 係位猶、法、中混血兒，爸爸係拉斯維加斯凱薩宮賭場總裁，作為富豪大亨嘅女本應可以要風得風，要雨得雨，但個性獨立嘅Lisa.S選擇孤身隻影一個人跑到香港做模特兒。
Photo from thelisa_s @ ig
每個女仔都會有個豆茅夢，當年只有20幾歲出頭嘅Lisa S.曾透露自己對吳彥祖「一見鍾情」—雜誌上一身肌肉嘅男模特兒吸引到Lisa S.眼球，暗暗下決心「我要這個男人」，而呢個幸運兒就係吳彥祖。
兩個人之後因工作認識，拍咗8年拖，最終喺2010年，二人決定拉埋天窗，邀請親朋好友到南非參加佢地嘅「叢林婚禮」。吳彥祖曾經透露，南非係佢對與Lisa.S呢段愛情「改觀」嘅地方，所以就將婚禮安排係?度舉行。
Photo from from Sina
回望呢段感情，其實吳彥祖當初無將Lisa.S當成結婚對象，唔係因為男神未玩夠，而係對於吳彥祖嚟講，一開始時二人連結成夫婦最基本嘅條件都無—二人對家庭諗法唔一樣：男方好鍾意小朋友，但女方一開始時已經開宗名義講出唔想結婚，唔想有小朋友。吳彥祖笑言「她那時討厭小孩的程度是連抱一下都不願意。」兩個人嘅距離，有時唔在於家庭背景與學歷，對任何一對伴侶嚟講，難道家庭觀念不一仲可以行落去嗎？當然唔可以。只係，愛情嘅力量真係可以好大，大到連根深蒂固嘅意識同諗法都被愛人所改變。
Photo from from Sina
「相處幾年下來，我發現她慢慢轉變，變得很喜歡跟小孩在一起，看到我們逐漸走到一條路上，就開始產生結婚的念頭了。」女方由討厭細路，變成鍾意同細路痴埋一齊；男方都將同Lisa S. 呢段本身只係曇花一現嘅桃花，變成此生摯愛嘅女伴，終於覺得可以跟對方共度一生。
Photo from from Weibo
婚前婚後，Lisa S.覺得改變唔大，「男女朋友和夫妻的不同之處，應該就是不再尋找其他對象了；結婚就代表確認另一半了。如果發現另一半在婚後有什麼不同，那代表你們在交往期間有所隱瞞，才會在婚後發現不一樣。」
Photo from thelisa_s @ ig
「不再尋找其他對象了」、「確認另一半」呢兩句說話，每個成年人都明白，都好易講出口，但真正領悟箇中真諦，又有幾多對伴侶可以問心無愧、無犯錯、從無異心呢？Lisa S.唔單止做到唔再搵其他對象，更將「確認另一半」嘅心態做好，除咗確定對方係自己心中地位，亦選擇相信對方，給予對方信任，呢種確定「我是屬於你的；我也相信你也屬於我的」嘅肯定，相信就唔係人人都做到了。
Photo from thelisa_s @ ig
形容娛樂圈係花花世界略嫌未夠到位，話係大染缸都不為過。但吳彥祖同Lisa .S 一齊絕少鬧交，自己同另一半明明都係男神、女神級數，都一於少理對方有咩緋聞。要維繫到一段健康嘅關係，唔多唔少都要歸功於呢位人妻性格爽朗、率直、獨立，Lisa S.認爲：「他有他的生活，我有我的，而我們也有屬於『我倆』的生活，我想這是所有男女關係中的重點：「保持獨立性，我覺得他也欣賞我的獨立。」即使結婚了，雙方都有意識大家係獨立個體，唔會意圖控制對方，咁樣相處先會舒服～
Photo from thelisa_s @ ig
5年前女Raven出世，眼仔碌碌，超級精靈可愛。
Photo from thelisa_s @ ig
B女同爸爸媽媽嘅互動睇到人心都溶化了～
Photo from from Weibo
Photo from from Weibo
Photo from from Weibo
兩個人一齊，要學識彼此欣賞，相處先唔會缺少話題，Lisa.S 熱愛馬術；吳彥祖鍾意NBA，雙方都會陪伴大家欣賞自己喜愛嘅運動。
Photo from thelisa_s @ ig
吳彥祖形容佢同太太嘅關係：「她很感性，而我很理性。」奇妙在二人合拍度叫人驚訝，吳彥祖笑言，佢哋大家都非常了解對方，對方仲未開口，就已經估到了。大概當初Lisa S. 對吳彥祖一見鍾情，係男方外表真係太出色；相處落嘅合拍，係日子培養出來；為愛人生兒育女，係二人愛情嘅昇華；但能夠由唔係結婚對象至成為同偕白首嘅伴侶，合唔合拍、靚唔靚仔、索唔索，都唔係主因了。呢種久處不厭嘅感覺，如果你有幸遇到了，請好好珍惜，努力進步為對方改變，跟他走更遠更幸福的路吧。
Text：GirlsLike Editorial
Source：Instagram , Weibo, Sina
