《守護神之保險調查》徐子珊投資百萬開網店已回本，有名有利仍不忘增值自己，修讀心理學碩士！

Hot Topics

By Aisa on 30 Jan 2019

徐子珊離開TVB之後，就去咗內地發展，比較少出現香港作品，直到最近先有作品《守護神之保險調查》出街。而佢之所以會減少產量，其實係因為要讀書自我增值。子珊之前提過自己係一個好認真嘅人，所以唔單止演戲方面，佢喺學術上都有所追求。

Photo from _katetsui@Instagram

徐子珊2015年嘅時候離開TVB，隨後就加入王祖藍嘅經理人公司，希望可以喺內地有更多發展～

Photo from _katetsui@Instagram

除咗演戲之外，子珊都好積極發展副業。佢特別學習珠寶設計，創立個人珠寶品牌，用自己個名取名為katetsui，仲投資過百萬搞網店珠寶生意，生意非常樂觀，已經回本，可見除咗演技了得之外，佢亦獨具慧眼，有商業頭腦～

Photo from _katetsui@Instagram

子珊話自己入行以來一直都係不停工作，但本身性格比較好學，想學唔同嘅野，而佢認為心理學對佢工作有好大幫助，幫佢用唔同角度去思考角色。於是佢報讀咗香港大學嘅心理學碩士課程，佢都有透露自己除咗出席劇集宣傳之外，仲忙緊寫論文，預計今年7月就可以完成課程。

Photo from _katetsui@Instagram

子珊話：「增值自己，永遠都是一個最好保障，娛樂圈是一個很被動的地方，不是你想做就可以繼續做，都有很多因素，就算我讀書，將來是否真的有用？同樣都是未知之數，但目前想要做的，就是吸收不同的知識，令自己感覺會更加實在」雖然有事業，名利雙收，但都唔打算停下腳步，不斷增值自己，實在值得學習！

Photo from _katetsui@Instagram

至於感情方面，佢話：「感情的事自己都忽略了很久，我又沒所謂，而且家人又沒有催促我，坦白說，當你遇到好的、對的人，當然是件開心事，但如果唔好彩遇到不對的人，到時候就煩，因為感情的事沒有一定，所以唯有看緣份，不可以強求！」其實最緊要自己開心，見到子珊宜家努力增值自己，過得咁充實，大家當然都好替佢高興啦～