【失憶24小時】姜大衞愛錫細仔姜卓文但不帶他入行：要入行就要靠自己實力及努力
姜大衞在新劇《失憶24小時》中飾演蒙一言（譚俊彥 飾）的爸爸蒙君瑞（Peter），與新抱游菲兒（王君韾 飾）相處不來，由於「游菲兒」自細在外國長大，所以直呼老爺做Peter，而老爺又嫌新抱不做家務，加上新抱管住兒子的錢，在劇中可見他們經常擦出不少火花。
Photo from TVB
Photo from TVB
雖然劇中的姜大衛會同新抱經常吵架，但其實他都是因為愛錫兒子的表現。現實中的姜大衛亦是個好爸爸，對兩女一子非常愛錫，過去有消息指他協助大女姜依蘭老公曹永廉在TVB發展，如今又栽培細仔姜卓文，可謂是為仔女仆心仆命。
Photo from ig@johnjrchiang
細仔姜卓文在姜大衛49歲高齡時出世，可謂是老來得子，同兩位姐姐年齡分別相差21歲及12歲，所以自細就獲得全家人寵愛。修讀設計的他對演戲唱歌有興趣，同時亦識得彈結他自彈自唱，又會經常打拳和健身，更視爸爸為學習對象。姜卓文曾經參與《全民造星II》打入48強，可惜最終未能贏出比賽。此外，他亦試過在大學畢業後瞞著家人秘密去試鏡，姜大衛知道後不但沒有阻止他，反而希望他靠自己實力入行。
Photo from ig@johnjrchiang
Photo from ig@johnjrchiang
「兒子自細就對演戲有興趣，我們不會阻止他入行，他之前去試鏡，要我帶他入行好易，但我想他靠自己。」
Photo from ig@johnjrchiang
Photo from ig@johnjrchiang
每個父親都望子成龍，當然會希望自己的兒子能夠靠自己的方法和努力入行，而不是戴著星二代的光環「走後門」。姜大衛曾經提醒過姜卓文，如果決定入行，就要努力做好，不要抱著玩玩的心態。
Photo from ig@johnjrchiang
Photo from ig@johnjrchiang
出身於演藝世家的姜卓文，爸爸姜大衞、伯父秦沛和叔叔爾冬陞都是出色的演藝界人士，他曾經表示星二代的光環難免會有壓力，因為好多人對他有期望，為了不想令人失望，所以會做好自己同增值自己。
Photo from ig@johnjrchiang
姜卓文遺傳父母優良的基因，不但長得高過爸爸，而且生得青靚白淨，似足韓仔feel，非常符合現代人的審美觀。而且姜大衞曾經說過他自細就有表演天份，相信娛樂圈中很快又會有位出色的星二代出現。
Photo from ig@johnjrchiang
雖然姜大衛說過不會出手協助兒子入行，但他出了名廿四孝老豆，相信如果兒子姜卓文開聲的話，他不會不完全出手相助。愛子心切，是出自於每個父母的本性啊！幸好姜卓文很懂事，不會恃著自己父親是姜大衛而走捷徑，反而想要靠自己的實力。
Photo from ig@johnjrchiang
Text: TopBeauty Editorial
更多相關文章
姜大衛伴妻同抗癌症～更明白婚姻真諦，何必為了堅持己見而爭執，只要有老婆係身邊甚麼都可以了！
30 Apr 2019
娛樂圈好多個寵妻狂魔男藝人，但當中以姜大衛John哥嘅愛妻程度真係可以話無人能及！John哥曾於訪問中直言自己唔可以無咗老婆李琳琳。除咗隔空表達愛意，更身體力行，於李琳琳患大腸癌期間作老婆嘅精神之柱，兼且盡心盡力照顧老婆，佢對老婆依份愛真係日月可鑑。
John哥同李琳琳結婚45年。John哥曾大方同媒體講當初同李琳琳結婚係因為有咗小朋友，但佢地嘅感情無因此而變淡，更成為圈中公認嘅一對模範夫妻。有一次，John哥因拍攝《再見亦是老婆》與周嘉玲傳緋聞，John哥霸氣回覆：我唔理人講乜，有呢啲傳聞證明我演得好，我只愛老婆一個。
Photo from ig @ johnjrchiang
Photo from ig @ johnjrchiang
講到依45年，最令John哥大為感觸嘅係老婆於2011年，被確診患上大腸癌。去到生死邊緣，John哥直言喺依一次令佢知道自己係唔可以無咗對方。於是停哂手上嘅工作，全力專心伴妻抗癌，不但作為太太嘅精神之柱，更擔起照顧太太責任。
Photo from ig @ johnjrchiang
面對愛侶患癌，人當然一時之間會有情緒問題。太太半年內接受了12次化療，相當痛苦。就喺接受化療期間，太太反過來安慰John哥。幸好二人都共同捱過難關，太太終可以康復過來！
Photo from ig @ johnjrchiang
Photo from ig @ johnjrchiang
這次經驗令John哥反省了婚姻嘅真諦。John哥話喺大家較年輕時，大家都會因唔同睇法而發生爭執，想改變對方。但經過今次，John哥了解到其實無甚麼係過唔去，好多嘢都無得逼，何必要為了自己一時嘅堅持而同老婆嘈交呢？只要係無傷害到自己同別人就可以了。
Photo from ig @ johnjrchiang
Photo from ig @ johnjrchiang
人只要一面對到生離死別就有所啟發。唔無人人都可以好似John哥咁幸運，可以有第二次機會去愛別人。希望大家都珍惜眼前人，免得日後想去愛別人時都無機會就後悔莫及了！
Photo from ig @ johnjrchiang
Photo from ig @ johnjrchiang
Text：TopBeauty Editorial Photo source：Instagram
