從不被看好到惹人羨慕！細8年老公張鐸陪陳松伶走出人生低潮～

By Aisa on 31 Jan 2019

唔知你地仲記唔記得當年TVB當家花旦陳松伶呢？仲記得細細個嘅時候成日睇松松姐姐嘅節目，剛剛慶祝完48歲生日嘅佢，保養得宜，到今時今日都仲係充滿魅力～佢宜家喺內地嘅一線演員，而佢最近仲喺內地上演嘅慈善音樂劇《媽媽咪呀》入面擔正做女主角，展現驚人嘅歌舞能力，深情演出更獲得一致好評。陳松伶除咗事業得意外，愛情生活亦甜蜜得令人羨慕，同比自己細8歲嘅內地演員張鐸愛情長跑13年，並組織幸福家庭。

Photo from Weibo

雖然陳松伶宜家事業成功，但佢曾經吃盡苦頭。2005年曾傳出佢被經理人背叛，身家盡失，加上當時父親離世，對佢造成好大打擊，佢更一度被指患上情緒病。多得上天眷顧，次年遇上宜家嘅老公張鐸，佢陪伴陳松伶身邊，同佢一齊走過生命低谷。

Photo from Weibo

兩人剛開始一齊嘅時候，因為年齡有差距相差8歲，而且對方係內地男星，所以惹來唔少閒言閒語。不過佢地嘅感情成功經得起考驗，陳松伶於2011年宣布已經下嫁比男方。早前佢仲喺內地一項選舉入面獲得「網友最愛人氣夫妻獎」，從當初不被外界接受，到今日獲得大家祝福，以往所經歷嘅苦都係有價值嘅～

Photo from Weibo

張鐸成為人熟穩重，反而佢更加似陳松伶嘅哥哥，對陳松伶呵護備至～兩公婆夫定居北京，喺北京開咗間影視公司。陳松伶接受內地傳媒訪問嘅時候，曾經表示佢同老公就算各自各忙碌，都會每日保持聯絡，張鐸每日都要確保太太有無好好飲水同瞓覺，夜晚11點左右就要視頻，提醒太太差唔多要瞓～

Photo from Weibo

相戀已經踏入13個年頭，兩人依然恩愛如昔，而佢地之間嘅夫妻相處之道就係對對方坦誠：「我們之間沒有隱瞞的事情，密碼都是互相知道的，有任何不滿或不開心，都會直接跟對方說！就算因工作分隔兩地，我們每天都會聯絡，他還會叮囑這個叮囑那個，好像錄音機。」兩人對大家坦白，互相關懷及分享，如此簡單嘅日常卻係最甜蜜幸福！