苟芸慧出嫁美如公主！曾患甲狀腺病被稱「肥苟」、不敵熊黛林被嘲「攻城失敗」，終覓得好歸宿：真正愛情是值得等待！
35歲嘅苟芸慧上周五（19日）喺上水雙魚河鄉村會所舉行婚禮，正式被私有化成為人妻，睇住由好朋友李亞男、鍾嘉欣、岑麗香等等「處女黨」成員逐一出嫁，作為「會長」嘅苟姑娘終於「卸任」成為「處女黨」最後出嫁嘅一員喇！
Photo from william_lmp_lok ＠ ig
苟芸慧出身自大富之家，爸爸是台灣富二代，本身係千金小姐嘅佢自小食無憂。但後來父親生意失敗兼患上癌症，自此家道中落，父母要賣出加拿大嘅屋企重回台灣打拼，交低一筆錢畀苟芸慧同細佬妹過活。苟芸慧作為家中大姐姐，年紀輕輕就要姊兼母職，養大細佬妹。2009年，苟姑娘參選國際中華小姐奪冠，其後加入娛樂圈，有指佢將全部收入都交畀媽媽處理，成名後仍然為家庭默默付出。
Photo from from Sina
Photo from from Sina
2013年，當時仲係圈中鑽石王老五嘅郭富城仍然同熊黛林拍緊拖，但就被記者影到苟芸慧同城城行得好埋，當時苟芸慧仲以緋聞女友身分現身城城演唱會上，跟正印熊黛林輪流上演「攻城戲」。城城喺演唱會上公然牽住台下熊黛林嘅手，呢個破天荒「世紀一拖」成為一時佳話，「跑輸」熊黛林嘅苟芸慧當時被嘲「攻城失敗」。
Photo from from Sina
雖然最後城城同熊黛林都係分手收場，但早喺佢哋分手前，苟芸慧就已經因為外界壓力，患上甲狀腺病，情況嚴重時更一度有抑鬱症。對於當年係因為「攻城」一事鬧到滿城風雨，再加上外界幫佢起咗花名「肥苟」，笑佢身材日漸失修，先令佢因壓力養出病，苛姑娘就表示：「我唔會怪任何人，係自己睇唔開，或者諗唔明白。但呢個係生命中發生嘅事，係一個好好嘅經歷，令我可以更加識得處理自己心態。」
Photo from william_lmp_lok @ ig
做開女神，一時間要淪為他人笑柄，相信係任何女仔都會睇唔開。當時仍因為有合約在身，無番去老家加拿大，留係香港積極工作，抱住正面心態面對網民日復日嘅嘲笑。經過兩年左右，苟芸慧身型回復苗條，女神重新歸位～
Photo from 苟芸慧ChristineKuo ＠ Weibo
經歷過幾段失敗嘅感情，苟芸慧喺今年情人節前夕，於個人社交平台上載相片，感觸寫道「很幸福，找到一個一生一世陪我看夕陽的人。」最後一名女神宣布封盤，「處女黨」成為過去，亦意味住苟姑娘起起跌跌嘅人生路上，終於搵到一個願意跟她交換溫柔嘅人。
Photo from joyfulck ＠ ig
Photo from joyfulck ＠ ig
陸漢洋曾係訪問透露，苟芸慧因為自細就習慣做大家姐，打工養活家人，又要保護弟妹，為人好有主見，亦係一個知慳識儉嘅好女仔。
Photo from joyfulck ＠ ig
早前，苟姑娘跟先生陸漢洋公開兩輯婚照，一輯係韓式婚照，呢輯結婚相分別係喺法國同韓國拍攝，代表二人喺法國相識，而苟芸慧有四分之一韓國血統，照顧得如此貼心，睇得出陸漢洋真係好錫苟姑娘！
另一輯喺多倫多古堡影嘅結婚相，原來係陸漢洋靜靜雞為苟姑娘炮製嘅特別驚喜！苟姑娘曾經同佢講過，結婚前想番老家多倫多探望屋企，於是鬼主意多多嘅陸漢洋聯絡苟姑娘屋企人同佢喺加拿大嘅老朋友，借意話去影結婚相，其實就係一個熱鬧嘅婚禮！當日陸漢洋向太太高歌《Beauty and the Beast》冧死苟姑娘。
joyfulck ＠ ig
Photo from joyfulck ＠ ig
一對新人仲將《美女與野獸》嘅故事上演真人版，苟姑娘係婚宴上換咗「貝兒」嘅經典黃色長裙，跟先生係舞台上共舞，非常浪漫～
Photo from from Sina
Photo from numberonepr @ ig
Photo from numberonepr @ ig
生得一副美人胚子，習慣被標籤為第三者，苟姑娘嘅愛情路一啲都唔平坦，如今終於安定下來，特別令人感動。佢接受訪問時，曾經為愛情下了一套定義「不要計算得太多，愛情不是數學公式，還記得初戀永遠是最 pure，最令人回味，是因為最簡單，大家拿出真心，別忘記：因為愛所以去愛，別把太多雜質加進去。多包容，易於滿足，就會幸福。」
Photo from william_lmp_lok ＠ ig
Photo from 苟芸慧ChristineKuo @ weibo
曾經嘅「肥苟」已成過去，老公陸漢洋成公開示愛，指無論太太肥定瘦都一樣咁愛，女人就係想搵一個不論好醜都會愛錫自己嘅男人，先生嘅諾言就係對佢嘅強心針。
Photo from william_lmp_lok @ ig
苟姑娘曾係微博上寫過：「世上最好的保鮮就是不斷進步，讓自己成為一個更好和更值得愛的人。」閒時苟姑娘會做運動、睇書、旅行、學習新事物——打拳、珠寶設計、賽車，嘗試一個人在賽道上克服恐懼，挑戰個人極限。
正如陸漢洋所言，佢眼中嘅太太係「可愛、積極、有智慧、誠實」，難得在苟姑娘除了擁有美貌，仍然積極裝備自己，無論係外表上定內心上，苟姑娘都確實係美麗又可愛！
Text：Girlslike Editorial
Photo source：Sina, Weibo, Instagram
