只有你能忍受我的公主病～與閨蜜去旅行的8個好處，謝絕男人行程、變成對方的隨行攝影師！

有說「好旅伴會令旅程變得有趣，而差旅伴會令你每日都似受罪」，一個好嘅伴旅係可以令你整趟旅程都充滿歡笑聲，細數8個跟閨蜜去旅行嘅好處，係時間計劃下一個行程喇！

Photo from from Pinterest

＃1 三項鐵人shopping

平時就呢度痛?度痛，唔好睇少女人shopping時嘅忍耐力，真係可以媲美三項鐵人賽選手，買完一袋二袋番酒店放低又再外出血拼，即使對腳已經失去知覺，仍可以作戰到底！

Photo from wongtsuiyu @ ig

＃2  慫恿消費主義，推動地區經濟

同男朋友去旅行，真係好難大買特買，廢事佢哋話自己亂洗錢～但同閨蜜去旅行，佢哋唔會阻止你買埋啲「唔等洗」嘢不特止，仲大力推動地區經濟，鼓勵開心消費，聽住佢哋講財散人安樂，自然就會減低罪惡感了～

Photo from zozotam1o1o @ ig

＃3 提供專業意見

女生唔單止殺價勁，仲可以提供大量專業用家意見，因為女生都係購物狂，大家都可以交流意見邊款抵買，邊款中伏，如果你有選擇困難症，同閨蜜去旅行仲可以有人幫你揀埋，正！

Photo from roxannetong ＠ ig

＃4 變成隨行攝影師

去旅行點少得打卡環節，大家都係女仔，美食當前大可以「相機食先」，大家都係女仔點會介意等多你一陣～仲可以拎靚角度，幫你影到滿意為止！

Photo from misselvani @ ig

＃5  一齊研究自拍角度、技巧

自拍其實係要練習架，影相角度始終係最重要～同女性朋友一齊就可以互相偷師，研究一下點影先係最瘦、左邊面定右邊面靚啲！

Photo from misselvani @ ig

＃ 6 傾訴心事排走負能量

搭飛機、坐長路途車、JR....路程咁長咁悶，真係3個女人一個墟啊～跟女生去自然可以大談心事，成為旅程難忘嘅一部分呢！

Photo from wongtsuiyu @ ig

＃7  進修護膚知識，交流扮靚心得

晚上嘅護膚環節、每朝早嘅「易容」時間，都係女生間進修時間。一講起扮靚，大家都變得無所不談，你試用我嘅粉底，我試用你嘅面膜，房間瞬變成一個扮靚俱樂部！

Photo from wongtsuiyu @ ig

＃ 8 謝絕男人行程

行程終於唔駛睇高達、秋葉原、女僕CAFE、AKB48......取而代之嘅係藥妝店、夾公仔、影貼紙相、行街買衫，感覺上連張機票都平咗，因為物盡其用，爽啊！

Text：GirlsLike Editorial

Photo Source：Instagram