洗滌心靈會帶來內在美！36歲仙氣女神張鈞甯10句金句「人生並不是非黑即白 ，這就是一種態度。」
已經36歲嘅張鈞甯可謂女神典範，著重健康、注重養生令佢有透亮肌膚，唔單止係咁，?份美唔單止由內而外滲透出嚟，佢嘅堅強、獨立，積極、充滿自信嘅態度真係好值得女生學習。現實生活充滿正能量嘅佢，就不時於微博同網友分享人生格言～張鈞甯告訴女生們，除咗要追求外表嘅美，還要洗滌自己嘅心靈，追求內在不老嘅美麗和健康～
Photo from from Weibo
＃1 「我一直相信人的外表與生活習慣息息相關。」
好多女生都會羨慕人哋點靚、身材點好，但就忽略別人付出嘅努力。好似張鈞甯咁，佢每日都會抽時間打坐，洗滌心靈，飲食方面都好克制，美麗對佢嘅講係靠自律同堅持所得回來的！
Photo from from Weibo
＃2 「跑步跟人生很相近，試著專注眼前的小目標，最後就能到達。」
張鈞甯愛好跑步，佢認為跑步就好似人生一樣，每次運動訓練時都會佢都會定下目標。即使過程中有挫折，但只要堅守自己信念，唔輕易放棄，就會到達終點，一如佢對人生嘅睇法一樣。
Photo from from Weibo
＃3
現實生活不如意事十常八久，總會令人感到氣餒甚至想放棄。老土講句，失敗乃成功之母，就算不被看好，你嘅堅持總會換來一次嘅成功，有一日會贏盡掌聲～
Photo from from Weibo
＃4 「跟隨自己的心去生活，或許會出錯，但起碼不會後悔」
張鈞甯指自己係個任性嘅人，佢認為人生無論點樣過，都唔好令自己留有遺憾，所謂一輩子好短，有咩事想做就快做吧！
Photo from from Weibo
＃5 「很多事情的缺憾，都是最好的安排。」
人無完美，唔可以強求凡事都有完美結局。學會承認自己有唔完美嘅地方，即使事情有缺憾，相信命中安排嘅缺憾，已是最好的結果吧。
Photo from from Weibo
＃6 「只有不斷把自己帶離安全區，才有更多的機會看到成長。」
長期留於舒適圈的確讓人覺得好安心，做自己能力範圍以內嘅事，唔會出現任何難以預計嘅差錯。但會阻礙你變得強大，人不會再有所成長。你唯有離開安全區，去挑戰自己無做過嘅事情，人生先有更多色彩。
Photo from from Weibo
＃7 「每個人都有自己最美的樣子，找出他、愛上他，讓本色活出色。」
美麗可以係你認真做事時散發嘅光芒，都可以係你幫助人時嘅善良。每個人都有屬於自己獨一無二嘅魅力，唔好妄自菲薄，都不要狂妄自大，搵到自己最美的樣子，愛上他，再活出自己吧～
Photo from from Weibo
＃8 「雖然人生並不是非黑即白 ，但有時候，這就是一種態度。」
世上事情並不是非黑即白，灰色地帶多的是～從唔同嘅面去看待事情，自然都有唔同嘅理解。肯定自己嘅原則同價值觀，建立屬於自己嘅「非黑即白」吧！
Photo from from Weibo
＃9 「有的時候，就需要和自己待一會兒，和自己說說話，喪氣的也沒有關係。」
唔需要勉強自己永遠都要保持快樂嘅樣子，傷心絕望之時，唔需要勉強自己邁正面鼓勵嘅說話，垂頭喪氣無咩咁大不了，撐過去就好了。
Photo from from Weibo
＃10 「知道自己不要什麼，也是一種選擇。」
好多人最大嘅煩惱就係唔知自己想要咩，因此一直都做唔到選擇，或者你有「選擇困難症」，但你一定知道自己唔想要咩。當你知道自己不願做什麼事；不願過什麼的生活時，前方的路已經明朗得多。
Text：TopBeauty Editorial
