向拍拖3年DJ女友黃天頤求婚成功！C君患病需終身換血，舊愛以他的病為由悔婚～

C君同香港電台DJ女友黃天頤拍拖3年，感情一直都好穩定，佢曾經表示今年將會同女友結婚，果然講得出做得到，星期六晚終於喺IG宣布求婚成功：「年紀漸長，很多朋友都有『she says yes』的po文，今日，到我了，she said yes。謝謝，新年快樂。 # 共你熱戀可抵擋冰天雪地 # 全世界講一次恭喜」

C君平時成日都鐘意講笑，為大家帶來歡樂，但其實歡笑背後，佢有著一段令人心痛嘅經歷。佢好細個嘅時候，就已經患有地中海貧血症，要終身定期到醫院換血同食藥。

之前網上有流傳過一條短片，當時只得14歲讀緊中學嘅C君，喺醫院到接受訪問，旁白講到C君當時每四星期就要返去醫院輸血，身體健康嘅人真係難以想像C君嘅感覺～

感情方面，宜家已經35歲嘅C君，原來情路一直好坎坷～2012年佢被拍拖多年嘅舊愛Gloria悔婚，當時C君已經買好哂結婚戒指，仲訂埋酒席，點知臨埋門一腳，有傳女方用C君患有地中海貧血症為理由，向佢提出分手，C君後來仲發現Gloria係搭上咗自己最好嘅朋友，當時佢大受打擊。

不過C君最後都搵到自己嘅幸福，佢遇上「港台之花」DJ黃天頤，兩人因為有共同喜好所以一拍即合，佢曾經表示今年將會同女友結婚，果然講得出做得到，星期六晚終於喺IG宣布求婚成功！唔少網友都話C君有眼光，祝福佢地幸福快樂～

Text：GirlsLike Editorial

Photo Source：Instagram