陳法蓉：「揀錯郎比孤單更加孤單！」52歲不乏追求者，仍選擇單身生活～

要提美貌10年如一日嘅女星，就一定要講52歲嘅陳法蓉。佢參加港姐入行，後來同黎明合作拍攝劇集《人在邊緣》，而喺《刑偵III》入面嘅演出亦令劇迷留下深刻嘅印象。 雖然外貌無可挑剔，但現實中佢嘅感情生活卻並不如意。

Photo from 陳法蓉@Weibo

陳法蓉曾經同富豪許晉亨傳出緋聞，但一直都未承認戀情。2003年拍攝《水月洞天》嘅時候，又同劇中拍檔楊俊毅發展戀情，可惜戀情最後都係無疾而終。

Photo from 陳法蓉@Weibo

直到現在陳法蓉仍然單身，但單身嘅生活依然多姿多彩，平時佢鐘意同朋友去旅行，仲試過喺完全無行程計劃嘅情況下，只係跟住Google Map去玩，用3個幾星期，走遍法國、捷克、匈牙利、克羅埃西亞、希臘以及義大利等多個城市，可見佢係一個好隨性嘅人～

Photo from 陳法蓉@Weibo

早排出席活動，佢透露自己近年唔想太忙，想參與多啲慈善工作同埋陪伴家人：「爸爸已82歲，很健康，經常去旅行，有時與他行山也跟不上，見到他那麼壯健也很開心」。

Photo from 陳法蓉@Weibo

至於感情生活，陳法蓉就話唔急，身邊亦不乏追求者，只係自己選擇單身：「要小心選擇，揀錯郎比孤單更加孤單！」問到爸爸有無催婚，佢就話：「沒有，他已經好開心；其實單身或多少個人一起生活也可以很開心，像今年聖誕節有班好友與我一起歡度，節目豐富，完全不感孤單」。

Photo from 陳法蓉@Weibo

陳法蓉亦有透露，曾經試過有朋友瞞住佢帶咗一個男仔嚟食飯相睇，令到佢好尷尬，朋友就知道佢唔鐘意咁同埋一定會拒絕，之後就無再介紹，佢話感情隨緣，有緣一定會見到～各位姊妹，就算未搵到適合嘅對象都唔需要擔心，學陳法蓉咁講，緣份係注定嘅，而且唔可以急，要小心選擇，否則揀錯郎會比孤單更孤單呀！

Photo from 陳法蓉@Weibo

Text：GirlsLike Editorial

Photo Source：Weibo