自信、真性情的女生就是吸引！Jennifer Lawerence宣布封盤訂婚，霸氣珍妮花金句：女生要勇敢活出真我！

女神Jennifer Lawerence 日前終於確實要結婚啦～鏡頭前唔造作，真性情令粉絲們都非常欣賞，消息令到粉絲同影迷們相當驚喜，紛紛送上祝福！

呢位奧斯卡影后大情大性，而且不平則鳴，試過因為男粉絲喺酒吧上太熱情，但被Jennifer Lawerence拒絕後老羞成怒，向偶像大講粗口，Jennifer Lawerence「放下偶像包袱」，竟然用啤酒淋向粉絲，連米飯班主都夠膽得罪，真係不折不扣一名烈女！

咁到底係邊個令呢位烈女收心養性，吸引到女神呢？佢就係紐約「Gladsstone」藝廊總監庫克馬洛尼（Cooke Maroney）～

現年34歲嘅庫克比珍妮花大6歲，去年透過朋友介紹後，於春天開始交往。兩人一直愛得大方，成日被媒體影到十指緊扣嘅甜蜜約會照片—深情對望、鼻尖貼鼻尖，真係愛意滿瀉～

雖然庫克唔係娛樂圈出身，但絕對係有頭有面嘅「高富帥」！比珍妮花高出足足一個頭，形成最登對身高差，庫克打扮都傾向沉實穩重，跟珍妮花非常登對呢～

據指兩個人都對非常珍惜呢段關係，而且好認真保護愛苗，庫克友人表示：「每當他向朋友及同事提起珍妮花，就會變得很害羞，他明顯被珍妮花深深吸引。」而女方密友都曾經跟媒體透露「從未見過珍妮花拍拖時如此自若和開心。」睇嚟雙方都搵到心靈伴侶了～

珍妮花嘅魅努來自佢嘅自信同霸氣，佢鼓勵女生要勇敢活出真我，等待美好嘅愛情，而家就重溫一下珍妮花嘅霸氣格言，成為better me吧～

，

1 「You look how you look, and be comfortable.」（你的外表是怎樣也好，欣賞它吧）

外形唔需要為他人眼光而改變，你無可能迎合全部人，即使你真係做到，你都唔再係自己了～最重要就係自己覺得舒服就可以了，不同身材、不同外表，成就向人獨特、美麗之處，與其想要迎合他人想法，倒不如欣賞自己，為自己而感到自豪！

2 「I’m never going to starve myself for a part.」 （我從來不會為了任何一個角色而節食）

珍妮花話：「我不想一些小女生在螢幕上看到我然後說：『我想要變成凱妮絲（《飢餓遊戲》中角色）的樣子，我今天還是不吃晚餐好了！』我希望我嘅身型看起來是健康而強壯，而不是瘦弱而營養不良的。」

3 「I think it should be illegal to call somebody "fat" on TV.」（針對藝人上鏡時身材，我覺得若然形容他人係「肥」，應該係非法行為。）

她曾經狠批以羞辱他人身材為樂嘅媒體：「為何羞辱他人會變成了一件有趣的事？媒體肩負著影響大眾的責任，當媒體灌輸出錯誤的觀念，會令青少年相繼模仿，令抨擊他人外貌變成了一種風氣。既然社會有立例管制香煙、性、粗口等會影響青少年價值觀的因素，為何就可以容許言語欺凌的存在？」

4 「I'm a woman that's living in this world of everybody telling everyone how they should look.」（我作為生於世上嘅一個女人，我覺得自己有責任話畀大家知：活出真我。）

或者我哋係勢單力薄，唔可以改變社會大眾嘅看法，但至少我哋可以變得更堅強，不為別人的眼光而活，學會欣賞屬於自己那份獨一無二的美。

Text：GirlsLike Editorial