新年新戀情～唐詩詠有望發展姐弟戀！「補習界王力宏」身家逾億外表陽光，二人疑相約甜蜜郊遊！

曾經被譽為「不能錯過好女友」嘅唐詩詠舊年被傳跟年輕6年，身家過億嘅海外升學創辦人兼執行董事陳思銘（Samuel）約會食飯。近日就有眼利網民就發現，二人大年初一疑似齊齊約會郊遊。因為二人先後喺instagram上載個人行山照，雖然並無合照，但影相位置、天色等等都似同一日發生。有指唐詩詠宜家係蜜運中，當時人並無親口否認，睇嚟詩詠好快就會同大家公布好消息～

Photo from natalietong53 ＠ ig

唐詩詠加入娛樂圈多年，鮮有跟男藝員傳出緋聞，最為人所知嘅兩任男朋友就係崔健邦同洪永城。跟前者拍拖多年，離離合合始終都因為難忍男方脾氣差、偷食而結束9年情。

Photo from amigochoi ＠ ig

其後戀上洪永城，感情只維持咗兩年半，去年年中二人正式分手。雖然曾經傳出二人有復合轉機，但唐詩詠就剖白：「真係無諗過，好難有機會發生，比開始一段新戀情更加難。」此言一出，其實都意味住緣份已盡。

唐詩詠之後一直對外宣稱單身， 當中亦唔少緋聞傳出，其中就包括Samuel陳思銘。去年更被傳媒影到佢跟Samuel撐枱腳，行為親蜜，但唐詩詠當年就否認拍拖一事，指同Samuel只係朋友關係。問到有無機同對方發展「姐弟戀」，唐詩詠當時就話對Samuel了解不足，所以唔可以作出評論，但作為一個朋友，佢形容Samuel好好。睇嚟當時Samuel已經喺唐詩詠眼中留係一個相當唔錯嘅印象呢～

Photo from natalietong53 ＠ ig

今年年初，兩人關係開始「明朗化」，事關唐詩詠年初一去咗行山，影靚相上載ig，留言話：「大年初一行個大運，享受陽光，享受寧靜」，又hashtag了「今天天氣很好」、「行山一流」。一向都有健身習慣，身形纖瘦擁有22吋腰嘅詩詠著上運動裝健康又養眼～

Photo from natalietong53 ＠ ig

有網友就發現，Samue同樣喺ig上載多張單人照片，咁啱又有兩張同樣喺石壆前拍攝，背景仲跟詩詠所影嘅一模一樣！

Photo from ukchitchat ＠ ig

細心一睇，Samuel貼出嘅相片中，右下方見到舉機影相嘅人影！唔知係唔係詩詠呢？（笑）

Photo from ukchitchat @ ig

疑似戀上「絕世好女友」嘅Samuel 大有來頭，31歲年紀輕輕已經係海外升學公司嘅CEO，公司市值近3億元～加上長相陽光，有補習社王力宏之稱！喺女士眼中真係城中筍盤一名架～

Photo from ukchitchat @ ig

Photo from ukchitchat @ ig

無論戀情可唔可以開花結果，小編都祝福詩詠搵到屬於佢嘅真命天子～

Text：GirlsLike Editorial

Photo Source：Pinterest