影帝劉青雲誠懇待人沒架子！不用助手服侍，只想郭藹明陪伴，結婚20年堅持二人世界～

今年賀歲片首選當然係《廉政風雲》，由劉青雲、張家輝同林嘉欣幾位影帝影后主演，演技當然無庸置疑，有幾位主角撐場，相信電影一定好有睇頭！劉青雲所演出多數都係一啲忠誠、有正義感嘅角色，而現實中佢嘅形象亦係好正面，同佢合作過嘅人，都好鐘意佢，話佢孝順父母、尊重長輩、錫老婆又有善良，睇嚟影帝戲裡戲外都一樣咁優秀。

Photo from Pinterest

鏡頭前青雲係一個敬業、認真嘅影帝，鏡頭後佢係一個樂願打點生活瑣事嘅住家男人。早兩年佢被影到去街市買菜煮團年飯，記者訪問佢嘅時候，完全無偶像架子，大方分享自己一大清早去街市買雞，就好似一個普通街坊一樣親切。

Photo from lauchingwan@Instagram

劉青雲曾經喺頒獎禮上用太空船感言公開多謝太太，而日常生活中佢地兩公婆都周不時將「唔該」掛喺嘴邊，青雲強調夫婦之道一定要互相尊重：「我們相處時也會跟對方講唔該、麻煩晒，即使是老夫老妻，也最忌「老奉」，這是人與人相處最基本的尊重和禮貌。」

Photo from Pinterest

8年前，青雲因參演《奪命金》而去到台灣宜蘭參加金馬獎，到達宜蘭嘅時候太陽已落山，司機又唔熟路，氹氹轉轉幾百個圈，就連預先訂好嘅日本餐廳見到佢地遲遲未到都心急如焚，但喺車上嘅青雲只係默默拖住太太嘅手，一句抱怨說話都無講過。

Photo from lauchingwan@Instagram

食完晚飯之後，青雲同工作人員講：「你們先回酒店，我跟太太去散步，不用擔心我，也不用留車給我，到酒店我會通知大家！」即使係咁忙嘅生活入面，都抽出時間同太太二人世界，唔需要其他助手，只想要郭藹明陪伴，實在浪漫～

Photo from lauchingwan@Instagram

兩人結婚二幾年，都無生小朋友，而青雲曾經霸氣講過：「朋友都話生BB可以令夫妻關係更緊密，我話如果我們夫妻關係已經非常親密，那就不用生BB了。」

Photo from Pinterest

Text：GirlsLike  Editorial

Photo Source：Instagram, Pinterest