男人勤力做家務，比一般人長壽～研究：壓力減少、記憶力變好，死亡率降一半！

有科學家進行咗一項長達9年嘅研究，選取咗近3000名年齡、體質、生活習慣都差唔多嘅男女。研究結果發現：勤力做家務，比如吸塵、拖地、洗車、搬搬抬抬等重型家務嘅男人，死亡率竟然降低一半以上！

Photo from from Pinterest

神奇嘅效果其實都係歸功於「運動」，無錯！做家務都係一種運動，雖然強度唔會比跑步、游水咁強大，但點都好過完全零運動～因此一邊做家務，一邊加快新陳代謝，自然就會更健康了。而且，男人做家務仲係好處多多架！

＃1 壓力減小

做家務期間，不知不覺就將壓力、唔愉快情緒釋放出嚟，平日係公司積積埋埋嘅怨氣一次過透過做家務排走！擁有好心情，人都精神啲呢～

Photo from from Pinterest

＃2 生活習慣變好

有人話男人有錢就身痕，計小編話「無嘢做先會身痕想找樂子」！如果男人可以維持一個心態，放工會番屋企跟另一半分擔家頭細務，兩個人各施其職，一同將屋企打理得頭頭是道，咁大個責任，放工仲邊得閒同班兄弟去劈酒呢～（奸笑）

Photo from from Pinterest

＃3 記憶力變好

你有無發現，男人成日下巴輕輕，講到實牙實齒嘅事，轉個頭就唔記得一乾二淨！先唔好諗佢係咪有心定無意，其實記性差都係關乎大腦記憶中樞活動。研究指出，唔做家務嘅男人喺20-40歲間，大腦記憶中樞有機會慢慢萎縮，因此記憶力會變差～有做家務嘅女人日常要記住好多瑣碎事，相比男人，記憶力無咁易衰退呢～

Photo from from Pinterest

＃4 生活更愉快

生活係應該由雙方一齊為對方努力、付出。只係抽少少時間幫另一半做家務，家庭矛盾一定大減，一向唔做家務，十指不沾陽春水嘅你，對方必定會因為你嘅改變而覺得感動，何樂而不為？

Photo from from Pinterest

Text：Girlslike Editorial

Photo source：Pinterest