岑麗香現身品牌春茗！懷孕7月現巨肚，香香有BB後愈來愈靚～

岑麗香至今已經懷孕7 個月，仲記得佢5個月嘅時候同老公強強去夏威夷渡假，更喺IG貼出超火辣泳衣相，身形依然係手腳修長，腰仔細細，完全唔似有咗BB～前晚（12日），懷孕將近七 個月嘅香香出席品牌春茗，懷孕以來佢愈來愈靚，果然「大肚嘅女人係最靚」嫁！

香香一向好Fit，懷孕以來只係個肚變大，依然面尖尖，手腳纖細，之前佢仲大曬火辣照，如果唔睇個肚，根本唔會知佢係大咗肚～

之前香香仲同老公去夏威夷渡假散心，佢換上比堅尼，大show白滑玉背同埋長腿，當時懷孕已有5個月，雖然有身孕，但從背影睇得出佢嘅身形依然好纖瘦，完全零孕味！

前晚（12日），懷孕將近七 個月嘅香香出席品牌春茗，當晚著名公關鄭紹康（Francis）以及時裝設計師何國鉦（Dorian）都有同佢合照影相留念，相片入面香香大晒招牌甜美笑容，仲翹住鄭紹康嘅手臂，睇落心情好靚。

而最吸引人目光嘅一定就係香香個巨肚，宜家懷孕7個月，雖然其他位都無肥到，但個肚就又大又圓，見到香香咁精神，相信肚入面嘅小寶貝一定肥肥白白、精精靈靈啦！

Text：GirlsLike Editorial

Photo Source：Instagram