不用刻意變成對方喜歡的模樣！王陽明太太蔡詩芸愛情金句：「如果他不夠喜歡妳，妳也可以直接找別人」

有著「台灣第一美男」之稱嘅王陽明同太太蔡詩芸已經結婚3年，經常會喺Instagram上放閃，每日都好似剛拍拖嘅時候恩愛，佢兩夫婦更被稱為「演藝圈最閃夫妻檔」、「地表最閃夫婦」！不過佢地嘅愛情路都唔係一帆風順，佢地拍拖兩年嘅時候曾經分手過，後來兜兜轉轉先再復合，而蔡詩芸對於愛情嘅睇0法好值得女生參考，一齊嚟睇下佢嘅愛情金句啦～

Photo from dizzydizzo@Instagram

王陽明同蔡詩芸11年前喺台灣師範大學中文課上認識，佢地曾經拍過兩年拖，但分手收場～但兩人嘅緣份並未完結，分開8年後佢地因為工作而再次相遇，於2015年整頓心態後重燃愛火，短短4個月就決定結婚！

Photo from dizzydizzo@Instagram

兩人重拾舊情係因為一趟菲律賓無人島探鯨鯊之行，兩人搵到可以一齊冒險嘅夥伴，結伴探索人生～佢地兩人都熱愛戶外活動，鐘意同對方一齊上山下海，而蔡詩芸即使面對情人定係朋友，都可以將自己嘅熱情投入其戀愛同生活，為身邊嘅人帶來正能量～

Photo from sunnyboyyy@Instagram

之前蔡詩芸接受訪問嘅時候被問及到：「如何知道自己的對象是對的人」，佢話：「跟對的人在一起就是很自然、很舒服，也不用特別的去配合或是遷就他，有什麼意見或是想法都可以表達自己，在一個人面前可以完全的放鬆做自己。」

Photo from sunnyboyyy@Instagram

佢又話：「不用特別去變成男生喜歡的樣子，因為每個女生都非常完美，每個人都有自己的個性和特色，女生也不需要特地把自己打扮成不屬於自己的樣子！因為如果他不欣賞妳，其實妳也可以直接去找別人，代表他不值得妳浪費時間。」呢一句話值得每個女仔記住，愛你嘅人唔需要你刻意改變。

Photo from sunnyboyyy@Instagram

一對相處舒服嘅情侶，都會有著相同嘅價值觀，王陽明同蔡詩芸同樣全力投入保育海洋動物嘅工作，希望可以為大自然盡一份心力。女生們要記住，唔需要強行勉強自己成為對方喜歡嘅人，因為明白你嘅人，一定會愛著真正嘅你～

Photo from sunnyboyyy@Instagram

Text：Girls Editorial

Photo Source：Instagram