狗狗令妳幸福感大增！插畫家畫出只有狗主才會懂的幸福時刻，震撼狗主心坎！

曾經有研究講過有養狗嘅朋友除咗病痛少啲外，幸福感都因而高過無養狗嘅人，負面情緒都比一般人少。可以話係人類嘅心靈伙伴～來自美國插畫家YAOYAO MA VAN AS透過細膩畫功將狗狗帶俾佢嘅幸福時刻記錄下來，每一幕幸福時刻都震撼咗狗主嘅心坎。唔知依啲幸福時刻又可唔可以引起妳共鳴呢？

1.幸福時刻:早上醒來便是牠！

一日之計在於晨!早上醒來就見到可愛嘅狗狗心情自然輕鬆愉快，無論做咩事都自然事半功倍！雖然佢有時會早過妳返工返學就叫醒妳，但妳又點會嬲得佢落呢？嗱～依啲就係因為幸福感嘅存在而化解左妳無得訓嘅怒氣啦！

Photo from pinterest

2.幸福時刻: 當妳發現狗狗玩具越來越多時！

當妳好喜歡一樣嘢時，妳就會無時無刻都諗著佢。一見到覺得佢會鍾意嘅玩具就會買俾佢。如是者，狗狗嘅玩具比妳手機內嘅遊戲app仲要多！閒時喺屋企同狗狗玩咗半天，看似無聊但不知不覺間有種溫馨嘅氣氛包圍著妳。幸福大概就是如此簡單吧！

Photo from pinterest

3.幸福時刻:當妳只想跟牠作伴！

有時和狗狗相處比跟人相處還要舒服～假如妳想遠離複雜嘅人群，同狗狗作伴就最好不過。明明節日都有朋友約，但妳就只想同狗狗渡過，要應酬嘅活動最好可免則免。因為妳更享受同狗狗獨處嘅時光，哪怕只係同狗狗喺家中無聊耍廢，妳都十分願意！

Photo from pinterest

#4 幸福時刻:傷心時有牠安慰!

有係外面受咗委屈，妳未必會想話俾人知，只好獨個兒喺家中痛哭一場。依個時候永遠喺屋企等待妳回家嘅佢就起左一個好重要嘅角色。慶幸有佢，妳先無這麼的難過。慶幸有佢，妳先可以將妳心中嘅委屈一一舒解。佢就係默默喺妳身邊守護著妳同安慰著妳！依個就係無價嘅幸福！

Photo from pinterest

Photo from pinterest

Text：GirlsLike Editorial

Photo Source：pinterest