情人節報婚訊！情路崎嶇終尋獲幸福，35歲李彩華宣佈嫁人，超美浪漫婚照曝光～！

「星光閃閃，隔著了窗簾～」一哼起這旋律就會諗起李彩華的經典名曲《愛一個人原來不容易》，眨下眼就十幾年，而大家喺情人節呢一日，迎來李彩華嘅婚訊！

今日情人節35歲李彩華於微博宣佈婚訊：「Rain + Eric = Mr & Mrs Huang 」，並貼出兩人的Q版公仔和利是封大曬幸福，一眾網民都紛紛送上祝福！

據聞李彩華的老公Eric係內地做鋼鐵生意，兩人啱啱拍咗拖半年，今次趁著情人節公佈結婚喜訊，佢更收到一大束粉色玫瑰花，臉上充滿幸福嘅笑容，真係好浪漫啊！

李彩華同Eric認識咗5年，自佢舊年回復單身後兩人先開始來往，並於半年前開始拍拖，而Eric則於舊年11月接李彩華收工時，突然下跪求婚，令佢非常驚喜，最後成功抱得美人歸～

李彩華入行多年情路卻十分崎嶇，2001年與林峰拍電影《別戀》後相戀後無疾而終，之後又經歷了兩段感情，2015年她與「新五虎」之一何遠恒相戀，兩人已到談婚論嫁階段，可惜最後始終無緣，舊年宣佈因婚姻理念不能達共識而分手。

兜兜轉轉李彩華終於搵到屬於自己嘅幸福，今次佢仲公開同Eric影嘅靚靚婚紗相，披上白紗嘅李彩華真係好靚啊！

恭喜晒兩位～祝兩位白頭到老、永結同心！

Text：GirlsLike Editorial

Photo source：Weibo