MIRROR姜濤22歲生日開Live講心底話透露演唱會排練時曾暈倒！

By Agnes on 01 May 2021

Senior Editor

4月30日是甚麼日子？相信很多人都知是著名的「姜濤誕」了！作為MIRROR成員的姜B，於生日當天也忙於為即將舉行的演唱會進行綵排，未有太多的慶祝活動，體貼的姜糖當然就有好好為姜B慶祝啦！在多區都有姜B的身影，特別是姜B居住地銅鑼灣，幾乎要改名成「姜濤灣」！

Photo from IG:keung_show

Photo from ViuTV

姜濤昨天忙著為演唱會排舞，被問到生日願望時，姜B說希望演唱會順利，同時預告晚上會開Live，一來很久沒開Live，加上見到fans為他生日做了很多廣告牌，雖然好開心，但亦心痛大家為他花很多錢，不過最開心的是大家為他做善事捐款！雖然姜b生日在工作中度過，但「萬千寵愛在姜濤」，ERROR隊長「肥仔」梁業特意前往排舞場地送上心意、Do姐鄭裕玲昨日特別為節目《口水多過浪花》的同事傑朱切生日蛋糕慶祝生日，一直對姜濤寵愛有加的Do姐不忘在蛋糕上加上「姜B」名字，同時為昨日壽星姜B送上生日祝福，姜B也有留言：「好多謝你Do姐！」。

Photo from IG:fatboyip

Photo from IG：do_do_cheng

Photo from IG:keung_show

姜濤在今日凌晨一點開LIVE答謝姜糖為他生日做的一切，更感性的分享心底話，特別是回應梅窩fans事件，他說：「我知道嗰件事件有好多粉絲都唔開心，其實我都好難過，聽到啲粉絲話嗰件事件令佢哋好唔開心、難過，跟住就話以後唔支持我喇，的確聽到呢啲嘢我會好難過，我都安慰自己，無事嘅、無事嘅、作品做好啲就得，粉絲就會睇到喇，但的確每一個支持我嘅人，每一個鍾意我嘅人，我都覺得好難得，自己又何得何能令大家鍾意呢?走一個支持我嘅粉絲，我都會好難過嘅，講真。」看到姜B這樣說都令人心酸了，其實在LIVE的時候已見到忙了一整天的姜B顯得十分疲倦，不少姜糖留言叫姜B早點休息，而姜B也表示自己昨日在排練時突然暈倒「我尋日呢排排下舞，突然之間暈低咗，我事後先知道，可能真係太眼訓、太攰，有啲暈，加上全日冇乜食嘢呢，突然之間暈咗，好白痴呀...呢件事，我有食返嘢，所以大家唔駛擔心。」

Text：TopBeauty Editorial

MIRROR姜濤22歲生日感謝「姜糖」做的一切！承諾做好作品保證光環不會失去太多！

30 Apr 2021

姜濤迎來22歲生日，由於MIRROR下周將舉行演唱會，壽星仔即使在深夜時間仍密鑼緊鼓地排練，相當勤力！姜濤在凌晨時分發文感謝「姜糖」的祝福，「謝謝大家，生日願望，一切平安。」

Photo from IG@keung_show

「姜糖」們今周於本港鋪天蓋地登廣告為偶像慶生，於銅鑼灣、中環一帶更落重廣告，看到粉絲的應援，姜濤在IG story感恩寫道：「謝謝大家為我做的一切，我都有看到。」，而「姜糖」們紛紛為他送上生日祝福，並希望姜B能多作休息，又祝他食極都唔肥！其實姜濤曾經胖到200磅，喜愛吃東西的他為了保持最Fit身型，經常要壓制食慾，他指：「以前唔開心可以食嘢，宜家演唱會在即，我唔可以偷食，如果偷食我乜嘢都想食！」

Photo from IG@keung_show

提到今年的生日願望，姜濤表示以前只會跟兩三個朋友唱K，或者去維多利亞公園切蛋糕慶祝，現在收到好多fans的禮物同祝福，已經非常滿足，沒有其他所求了。姜濤反而有一個偉大的人生目標，竟然是重過肥仔人生！姜濤：「我想做番肥仔，將來我會係肥仔！我追求過、努力過之後，想去一個冇人認識自己嘅地方過下半世。一個悠閒嘅人生，我可以同自己啲子子孫孫講，你阿爺以前都威過！其實人生仲有好多事情去體驗，而家做緊嘅，就要盡力去做，做好手頭上每一件事！」，非常可愛！

Photo from IG@keung_show

姜濤在19歲贏到《全民造星》冠軍，之後發展一直十分理想，前途無可限量，奪了多個新人獎，更贏過男歌手金獎。不過，有人一講到姜濤就會話：「佢幾好呀，幾有型，不過呢啲最多都係玩一兩年！」，而姜濤認為：「明白花無百日紅，說光環消失會不驚一定是假，但相信歌手是要做好自己作品，就是一個保證，光環就不會失去太多。」

Photo from IG@keung_show

姜濤知道有實力才能走得更遠，他承認自己演唱能力有明顯不足，並指出現階段主要集中改善咬字，「我係知道有呢個問題，以前我係好少聽本地歌曲，所以而家要做香港歌手唱廣東歌，每次錄歌，大家都會覺得我把聲好低沉，啲咬字又好唔正。」姜濤為了讓大家更喜愛他的音樂，努力不懈地學習，持續改變說話方式，並嘗試逐個字清晰地說出來，聽過他新歌的「姜糖」們，都應該聽得出他下過不少苦功呢！