不平坦人生造就她鋼鐵一樣的性格~張柏芝剖白:年輕的我,倔強任性;有家庭的我,執著堅定。

不平坦人生造就她鋼鐵一樣的性格~張柏芝剖白:年輕的我,倔強任性;有家庭的我,執著堅定。

Hot Topics Relationship
By Michelle on 03 May 2019
Digital Editor

張柏芝曾經講過「心裡的缺口從來不是孩子能填滿的,而是要學習接納自己,享受孤獨,通過不斷的自我成長來完成人生的救贖。」跟謝霆鋒離婚後,柏芝受盡千夫所指,批評佢唔係一個好媽咪。2018年年底,張柏芝低調懷孕並生下第三個囝囝,乳名「小王子」,但就對爸爸身份絕口不提,更於出世紙上更將父親一欄留白。感情路上並不平坦,歷盡無數風雨嘅柏芝,由當年大紅大紫嘅「男士夢中情人」,變成一個勇敢媽媽,靠自己努力一手一腳湊大囝囝,有人或者會覺得佢好傻,睇睇關於佢嘅內心剖白,或者你會有另一番見解~

Photo from cecilia_cheung_ccfans @ ig

柏芝喺18年11月時,對傳媒證實己經生下第三胎「小王子」,近期更有周刊發現佢嘅出生登記證上名稱係張禮承(Marcus),而父親一欄卻係留白。

Photo from cecilia_cheung_ccfans @ ig

喺香港,出生登記證明書係一份非常重要嘅文件,如果父親欄上無填上生父嘅名,就表示囝囝同爸爸於法律上並無任何關係,意味住即使將來父親去世,「小王子」都唔可以繼承生父遺產嘅權利。如此無保障嘅做法,無疑係彰顯出柏芝堅持獨自撫養囝囝長大嘅決心~好多粉絲都為柏芝之感到心痛,但同時都對柏芝嘅堅強而感到敬佩。

Photo from cecilia_cheung_ccfans @ ig

#1 「每一次都是他們(男友)離開我,但他們都會說,我是他們最愛的女人」

「妳係我今世最愛嘅人。」呢句說話,女生應該唔會覺得陌生了吧。由感情閱歷豐富嘅柏芝講出呢番說話,感覺特別諷刺,你可以相信愛情,但切忌迷失自我。柏芝上台灣綜藝節目《康熙來了》時,講過自己係一個對待感情生活開放之人,好早就睇淡男生用情不一嘅事實。但只要係自己嘅小朋友,佢就會毫無保留咁教育同愛錫孩子,唔會剝奪另一半嘅生活。

Photo from cecilia_cheung_ccfans @ ig

#2 「我對每一段感情都太投入了,所以戀愛對我來說很沉重。和我戀愛的男人,一定有壓力。其實我的愛是太堅持,一愛就愛到盡頭,一點保留都沒有。」

Photo from cecilia_cheung_ccfans @ ig

#3「朋友都說我最失敗的就是投入得太徹底,連底牌也被看穿。我承認,我在愛情裡是徹底的大輸家,但就是永遠都看不到別人壞的一面,哪怕他曾有兩三個瞬間令我快樂過,我就一生都不會忘記。」

Photo from cecilia_cheung_ccfans @ ig

#4 「我覺得一段感情中最重要的不是愛,而是滿足,因為愛並不可靠,覺得如果一個男人愛我,也可以同時愛其他人。但若他有了我便滿足,那麼,無論他身邊出現多少個好女孩,他都不會有異心,因為他和我一起便覺足夠,所以我認為男人對我滿足好過對我有愛。」

Photo from cecilia_cheung_ccfans @ ig

#5 「更年輕一些的我,倔強而任性 ; 有了家庭和孩子的我,執著而堅定。」

Photo from cecilia_cheung_ccfans @ ig

#6 「覺得自己不論個性、做人、處世,都是真、簡單、舒服、不記仇,也最討厭不真的事情。因為自己的個性很直,在剛入行的時候難免會得罪一些人,但是無論如何,這樣的個性可能一輩子都不會變,如果有改變,那也只是隨著年齡的增長處理問題的方式不同,此外我也絕對不會記仇,因為只有不記仇的人才會有成功的機會。」

Photo from cecilia_cheung_ccfans @ ig

柏芝喺早前訪談中,曾表明自己已過咗著急拍拖嘅階段,認為小朋友先係生活重心。或者,有歸宿與否,對佢嚟講一早睇淡。於每段感情上都愛得義無反顧,但就落得傷痕纍纍嘅下場,柏芝於愛情上未必係一個聰明女人,但就無可否認係一個偉大嘅媽媽。

Photo from cecilia_cheung_ccfans @ ig

Text: TopBeauty Editorial

Photo source: Instagram

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK